Accessibility links

якшәмбе, 4 декабрь 2016, Казан вакыты 00:58

İzrael ğaskärläre fälestin keşesen atıp üterde


İzrael ğaskärläre bügen Könbatış Yardağı Balata isemle qaçaqlar lagerenda ber fälestin keşesen atıp üterde. Atışlarnıñ niçek kilep çıqqanı turında tögäl genä mäğlümat yuq. İzrael ğaskärläre söyläwençä, älege keşene qulğa alırğa kilgäç qarşılıq kürsätelgän häm atışlar başlanğan, keşe şul atışlar waqıtında hälak bulğan. Fälestinnär süzlärenä qarağanda İzrael xärbiläre lagerğa kergäç tä ut açqan. Balata lagerında yäşäwçelär üterelgän bu keşe – Al Aqsa intixarçılar brigadasınnan ide, dip belderde. Fälestinnär citäkçese Mahmud Abbas, İzraelne tınıçlıq kileşüen bozuda ğayepläde: "İzraelneñ ğamällären ber niçek tä aqlap bulmıy. Bu – Şarm aş-Şäyx kileşüen bozu bulıp tora, çönki bez nindi dä bulsa ğamällär kürgänçe başta kiñäşläşergä dip söyläştek. Ä İzrael anı eşlämi. Bu böten kileşülärgä qarşı kilä" dide Abbas. İzrael häm Fälestinnär arasında fivral ayında premyer-ministr Ariel Şaron häm prezident Mahmud Abbas oçraşuında qabul itelgän tınıçlıq kileşüe de facto däwam itä. Ämma soñğı könnärdä köç qullanular buldı.

XS
SM
MD
LG