Accessibility links

дүшәмбе, 5 декабрь 2016, Казан вакыты 13:44

McDonald''s üzeneñ 50 yıllığın bilgeli


Xäzer inde beraz ciñelräk temağa - aşaw mäs''äläsenä tuqtap kitäbez, xörmätle tıñlawçılar. Comğa könne bar dönya buylap eşlägän mäğlüm McDonald''s çeltären qoruğa 50 yıl tula. Küp kenä illärdä köndälek tormışnı inde şuşı qapqalaw urınnanrınnan başqa küz aldına da kiterep bulmıy, gärçä qayber däwlätlärgä McDonald''s äle haman ütep kerä almadı.

Bazarnı tikşerü näticälärenä qarağanda, McDonald''snıñ Altın qapqa tamğası, xristian tärese häm Olympia uyınnarın gäwdäländergän biş alqa belän bergä bar dönyada iñ kiñ tanılğan öç tamğanıñ berse bulıp tora. Şuşı tikşerenüneñ fänni nigezlämäse turında äle bäxäs quyırtıp bulsa da, McDonald''snıñ ğadi qapqalaw urını ğına tügel, ä bügenge dönyanıñ ber mäğnäwi bilgesenä äylänüe şik uyatmıy. Ul inde ğomumiläşep, berläşep, yäğni global''läşü kiçergän tormışnıñ tamğasına äylände. Anıñ barlığın aşaw-eçüdä genä tügel, ä yäşäw räweşendä dä, xätta säyäsät wä sänğättä tä sizelä. McDonald''sqa yörüneñ töp säbäbe bik ğadi, älbättä, häm anıñ fälsäfäse dä näq menä şuña nigezlänä. Praganıñ Vaclav mäydanı oçındağı McDonald''sqa kergän ber şved yäşüsmere bu fälsäfäne bik osta bilgeläde:

Audio

"Bu tiz genä eşlänä häm tämle dä" - älege yäşüsmerne häm anıñ belän bergä bar dönya buylap 100-dän artıq ildä 50 millionlap keşene här könne McDonald''s restorannarına näq menä şul fiker kiterä. Yäğni dönyadağı bar xalıqnıñ ber protsentı kön sayın McDonald''sda qapqalap çığa digän süz. Monı başlap cibärgän amerikan eşmäkäre Ray Krocqa tiz genä aşap çığu urının buldıru ideäse 1955-nçe yılda, ul oçraqlı räweştä genä könyaq Californiädä McDonald''slar ğailäseneñ hamburgerlar satu çatırına kergäç kilä. Kroc bu eştä dä, Henry Fordnıñ maşinalarnı konveyerda cıyu ideäsen qullanırğa bula häm şul uq yılnı üzeneñ berençe McDonald''s restoranın açıp cibärä. Soñraq ul üz qağidäläre nigezendä eşlägän şundıy restorannarnı açu röxsäten başqalarğa da birä başlıy. McDonald''s tarixı menä şulay başlana.

Audio, Super Size Me

Ser tügel, McDonald''snıñ xäzerge dönyada nindi uñışlarğa ireşüe, anıñ bar dönyağa cäyelüe küplärdä kisken tänqit tä uyata. Äle genä yañğırağan cır Morgan Spurlocknıñ "Super Size Me" digän häm McDonald''s çeltäre turında töşerelgän filmınnan ide. Anda ay buyı McDonald''sta könenä öç märtäbä aşaw häm monıñ närsägä kiterüe sürätlänä. Şul restorannarda qapqalaw keşelärne tazarta, ul ğomumän, cirle mädäniatlärne beterügä kiterä digän ğäyepläwlär xäzer torğan sayın yışraq yañğırıy. Fransiä häm Gretsiädä isä McDonald''s xätta törle çualışlar çığuğa da sääbäp bulğan ide. Şuña da qaramastan, anıñ qapqalaw urınnarı yañadan-yaña illärdä açıla. İsemlektä xäzer Tatarstannı da kürep bula, Qazanda McDonald''s restoranına tarixi yadkärlärgä qarağanda da yışraq yörilär. Küp kenä illärdä standart bürgerlar satu häm xezmät kürsätüdän tış McDonald''s cirle üzençäleklärne dä iskä alırğa tırışa. Misal öçen, Çexiädä aş yanına sıra alıp bula, Hindstanda sıyır ite urınına bärän iten qullanalar. Qazanda tatar üzençälegen kertü niäte belän yörmilär mikän ällä niçek digän soraw belän "Azatlıq" andağı McDonald''sqa möräcäğät itkän ide, läkin andağılar, başta ğomumän, Mäskäw idaräsenä yullap, monı bez tügel, şirkätneñ Chicagodağı üzäge xäl itä dip belderdelär.

Audio, Svetlana Poläkova

Şulay itep, aşaw-eçüne citez genä oyıştırğan McDonald''s üzeneñ eçke eşlärenä kilgändä, bik serle, yabıq çeltär bulıp qala.

Kärim Kamal
XS
SM
MD
LG