Accessibility links

пәнҗешәмбе, 8 декабрь 2016, Казан вакыты 11:06

Sabantuynı oyıştıruçılar uqırğa kilde


Seminar uqularına bıyıl 45 subyekttan 128 millättäşebez kilgän. Şularnıñ 3 se Qazaqstannan, 1 Ukrainadan, qalğannarı Rusiä töbäklärennän. Sabantuy bäyrämen oyıştıruçılar uquları inde ikençe tapqır ütkärelä. Häm äytergä kiräk bıyıl seminarğa äzerlek yuğarıraq. Seminarnı uzdıruçılar programmağa Bötenrossiä “Tatarça köräş” federatsiäsen” oyıştıru konferensiäsen dä kertkännär. Monıñ öçen maxsus härber Rusiä töbägennän ber wäkil çaqırılğan. Bu xaqta seminar açılışında BTK Başqarma komitetı räise Rinat Zakirov

Sabantuy ruxı yıldan-yıl üsä bara, Rusiä töbäklärendä dä ul tieşle däräcädä uza.

Seminar barışında Sabantuynıñ embleması, bayrağı turında söylände. Milli bäyrämne uzdıru metodikası buyınça videofil'm kürsätelde, “Sabantuy” bäyrämeneñ ädäbi-muzıykal' bizäleşe buyınça fiker alışu buldı, Tatar köräşen oyıştıru häm uzdırunıñ metodikası añlatıldı. Äytergä kiräk seminarda qatnaşuçılarnıñ kübese metodikanı öyränep kitsä dä Sabantuynı berençe çiratta xälennän kilgänçä oyıştıraçaq. Çönki Sabantuynıñ yäme bulğan at çabışların bik az töbäktä genä oyıştırıp bula, köräş uzdıru da şaqtıy qatlawlı bulıp qala. Şuña küp kenä Rusiä töbäklärendäge Sabantuylarında uyınnar, bäygelär, konsertlar belän çiklänälär.

Sabantuy uzdıru öçen kiräk bulğan metodik äsbaplar, köräş öçen härber töbäkkä birgän bilbawlar öçen ayıruça şatlandı Rusiä töbäklärennän kilgän wäkillär. Monnan tış Mädäniät ministrlığı da küp büläk äzerlägän. Bu xaqta TR Mädäniät ministrı İldus Tarxanov

Mädäniät ministrlığı sezgä mul'tmediynıy disk äzerläde. Ul 200 bitlek. Anda Sabantuy turında tatar-ingliz tellärendä mäğlümat bar.

Şimbä könne seminarğa kilüçelär Teläçe rayonına baraçaqlar. Anda alarğa misal itep Sabantuy bäyräme küreneşe täqdim iteläçäk.

Landış Xarrasova

XS
SM
MD
LG