6 april könne 81 yäşendä wafat bulğan Monako şaxzadäse Rainer bügen cirlände. Cänazada patşalar, patşabikälär häm däwlät başlıqları qatnaştı. Şaxzadäne soñğı yulğa ozatırğa kilüçelär arasında Şvetsiä patşası, Norvegiä patşabikäse, Bahrain, Britaniä, Bolğarstan, Daniä, Misır, Gresiä, Yaponiä häm Söğüd Ğaräpstan patşalıqlarınıñ yuğarı räsmi wäkilläre bar ide.
Rainer, 1982nçe yılda maşina qazasında hälak bulğan elekke Holliwood yoldızı Grace Kelly belän öyläneşkän çirkäwdä cirlände. Monako şaxzadäse – Yevropada wazifasın iñ ozaq waqıt başqarğan monarx buldı. 32 meñ xalqı bulğan Monako belän Rainer 56 yıl idarä itte.
