Rusiä başqalası mäxkämäse, uzğan yılda hawada şartlağan ike oçqıçqa bombalar kertügä yardäm itüdä ğayeplängän ike keşene, Domodedovo hawa alanı xezmätkärläre Nikolai Korenkov häm Armen Arutyunyan'nı 18 ay törmä cäzasına xökem itte. Alar ike çeçen xatın-qızına oçqıçlarğa bomba alıp kerüdä yardäm itüdä ğayeplänä.
Xökem qararı qırıs tügel, çönki älege ike keşeneñ tikşerüçelär belän tığız xezmättäşlektä toruları, berseneñ yaña tuğan balası, ikençeseneñ olı yäştäge ata-anaları buluı xisapqa alınğan.
