Başqortstannıñ Stärletamaq şähärendä bişençe kön inde teatr sänğäte bäyräme däwam itä. Respublik hönäri teatrlarınıñ «Teatr yazı – 2005» dip atalğan icadi bäygesenä Ufadan da, başqa şähärlärdän dä barlıq teatrlar kollektivları kilde.
Bıyılğı festiwäl İkençe bötendönya suğışında ciñüneñ 60 yıllığına bağışlap oyıştırıldı. Şuña kürä bäygeneñ temtiqası da xärbi yünäleştä. Küp teatrlar üz tamaşaların näq menä şuşı festiwälgä maxsus säxnäläşterde.
Stärletamaqtağı sänğät bäyrämenä Başqortstandağı ike tatar teatrı – Ufa «Nur» tatar däwlät drama teatrı belän Tuymazı tatar däwlät teatrı da üz premeräları belän kilde. Ufa «Nur» tatar teatrı Tatarstan autorı Danil Sälixovnıñ «Küñellärdä kömeş qıñğırawlar» äsären säxnäläşterde. Anıñ premeräsı yaña ğına tamaşaçılarğa täqdim itelgän ide. Ä Tuymazı tatar däwlät teatrı Aleksey Dudarevnıñ kiñ bilgele «Ryadowoylar» äsären säxnäläşterde. Mäğlüm buluınça, älege tamaşa ilneñ küp teatrlarında elekke yıllarda uq uynala kilde. Tuymazılılar «Ryadowoylar»ğa başqa küzlektän qarağan häm äsärne säxnägä bik qızıqlı itep quyğan. Şuña kürä festiwäldä bu tamaşa üze ber açış bulır dip kötelä. Bügen festiwäldä näq menä Tuymazı tatar däwlät teatrınıñ çığışı köne.
«Teatr yazı – 2005» bäygesendä teatrlarnıñ çığışlarına bäyäne abruylı jyüri birä. Başqortstandağı kürenekle rejisserlar häm sänğät belgeçlärennän tış, anda Mäskäwdän kilgän ataqlı sänğät belgeçläre dä kerä. Stärletamaqtağı teatr sänğäte bäygese 17 aprelgä qädär däwam itep, şul könne ğala-konsert häm ciñüçlärne qotlaw, büläkläwlär belän tämamlanaçaq.
Fänis Fätxi, Ufa.
Bıyılğı festiwäl İkençe bötendönya suğışında ciñüneñ 60 yıllığına bağışlap oyıştırıldı. Şuña kürä bäygeneñ temtiqası da xärbi yünäleştä. Küp teatrlar üz tamaşaların näq menä şuşı festiwälgä maxsus säxnäläşterde.
Stärletamaqtağı sänğät bäyrämenä Başqortstandağı ike tatar teatrı – Ufa «Nur» tatar däwlät drama teatrı belän Tuymazı tatar däwlät teatrı da üz premeräları belän kilde. Ufa «Nur» tatar teatrı Tatarstan autorı Danil Sälixovnıñ «Küñellärdä kömeş qıñğırawlar» äsären säxnäläşterde. Anıñ premeräsı yaña ğına tamaşaçılarğa täqdim itelgän ide. Ä Tuymazı tatar däwlät teatrı Aleksey Dudarevnıñ kiñ bilgele «Ryadowoylar» äsären säxnäläşterde. Mäğlüm buluınça, älege tamaşa ilneñ küp teatrlarında elekke yıllarda uq uynala kilde. Tuymazılılar «Ryadowoylar»ğa başqa küzlektän qarağan häm äsärne säxnägä bik qızıqlı itep quyğan. Şuña kürä festiwäldä bu tamaşa üze ber açış bulır dip kötelä. Bügen festiwäldä näq menä Tuymazı tatar däwlät teatrınıñ çığışı köne.
«Teatr yazı – 2005» bäygesendä teatrlarnıñ çığışlarına bäyäne abruylı jyüri birä. Başqortstandağı kürenekle rejisserlar häm sänğät belgeçlärennän tış, anda Mäskäwdän kilgän ataqlı sänğät belgeçläre dä kerä. Stärletamaqtağı teatr sänğäte bäygese 17 aprelgä qädär däwam itep, şul könne ğala-konsert häm ciñüçlärne qotlaw, büläkläwlär belän tämamlanaçaq.
Fänis Fätxi, Ufa.
