Accessibility links

дүшәмбе, 5 декабрь 2016, Казан вакыты 17:39

Qıtay Yaponiädän ğafu ütenergä cıyınmıy


Bügen Qıtay tışqı eşlär ministrı Li Jaoksiñ Yaponiä tışqı eşlär ministrı Nobutaka Moşimurağa Yaponiägä qarşı Qıtay şähärlärendä atnalarça däwam itkän protestlar öçen Qıtaynıñ Yaponiädän ğafu ütenüe öçen bernindi dä säbäp yuq dide. İke ministr Pekiñda oçraştı. Tokyonıñ ütkän suğış çorları tarixın üzençä sürätläwenä qarşı Qıtayda inde 3 atna köç qullanular belän protest çaraları ütte. Moşimura Liğa älege wäzğiät säbäple Tokyonıñ tirän borçıluın belderde. Kyoto xäbär agentlığı äytüençä, ul Qıtaydan bu wäzğiätkä tiz häm xalıqara qağidälär nigezendä cawap birüne taläp itkän. Qıtaylar Yaponiäneñ yaña tarix kitapları 1931-nçe – 45-nçe yıllardağı Yapon okupatsiäse çorındağı wäxşileklärne aqlap sürätli dip açu belderä. Alar şulay uq Yaponiäneñ BMO İminlek Şurasında daimi äğza bulu omtılışına qarşı çığa.

XS
SM
MD
LG