Accessibility links

җомга, 9 декабрь 2016, Казан вакыты 12:54

Waşingtonda Cidelek illäreneñ finans mininstrları oçraştı


Şimbä könne Waşingtonda Sänäğät üseşe alğan kitkän 7 ilne üz eçenä aluçı 7-lek törkemeneñ Finans ministrları oçraştı. ministrlar iqtisadıy üseşkä qomaçawlawçı dönyaküläm täñgälsezleklärne kimetergä dip söyläşte. Alar urtaq belderüdä bıyıl nıql iqtisadıy üseş kötelüe turında äytte häm şul uq waqıtta neft'' bäyäläreneñ yuğarı buluı üseşkä qomaçawlıy dide. AQŞ finans ministrı John Snow neft''neñ qimmät buluı tiskäre yoğıntı yasıy dide. Şul uq waqıtta ul dönyaküläm iqtisadıy üseşkä bu bik nıq tä''sir itmi dide.

AUDİO: Bu bäyälär torqarlasa häm qarşı cil sıman tä''sir itsä dä dönya iqtisadı yaxşı häm köçle üseşen däwam itäçäk.

Snownıñ dönyadağı iqtisadıy wäzğiätkä opptimistik bäyä birüe iqtisad ministrları tarafınnan telgä alınğan başqa ber probelamanı, AQŞnıñ arta baruçı säwdä defitsitı mäs''äläsen çağıldırmıy. Snow AQŞ administratsiäse büdjet defitsitın kimetügä bik zur ähämiät birä dide. Bu defitsit xäzer 400 milliard dollarğa citä. Germaniä finans ministrı Hans Eichel AQŞnıñ säwdä defitsitın kimetü tırışlıqların yaqlap çıqtı. Ul AQŞnıñ soñğı yıllardağı Amerikan defitsitın çit illärneñ, bigräk tä Aziä illäreneñ üzäk bankları tarafınnan finanslaw ğädäte monnan arı däwam itä almıy dide. Britaniä Finans ministrı Gordon Brown dönyada iqtisadıy üseşkä yaxşı ömetlär däwam itsen öçen dönyadağı härber qitğaüz iqtisadıy problemaların qayğırtırğa tieş dide. 1708

AUDIO: Bez dönyada iqtisadıy üseş däwam itäçäk didek, bıyıl iqtisadta nıqlı üseş bulaçaq didek. Şul uq waqıtta bez aldağı berniçä ayda ul üseşneñ nindi qurqınıç astında buluın onıtmasqa kiräklege turında da söyläştek. Häm bez üseşneñ moña qädär bulğan tizlektä bulaçağın tanıdıq. Häm ireşelgän totrıqlılıqnı saqlap qalu öçen ul totrıqlılıqqa häm üseşkä härbez qitğa üz öleşen kertergä tieşlege äytelde.
XS
SM
MD
LG