Accessibility links

Кайнар хәбәр

Alsu Qazan turında cır başqarırğa cıyına


Başqortstan prezidentın saylaw kampaniäse aldın Alsu Safina öçen «Ätkäyem» cırın yazğan Rim Xäsänov tağın Alsuğa cır yazğan. Ul- Qazannıñ 1000 yıllığına bağışlana

Xäzerge waqıtta Mäskäwdä icat itüçe kompozitor Rim Xäsänov Azatlıqnıñ Qazan byurosına şundıy xäbär cibärgän. Ul yäş estrada yoldızı Alsu Safina öçen Näzifä Kärimova süzlärenä “Meñ yıl yäşär, ğorur Qazanım” digän cır icat itkän. Cäy köne Alsu Tatarstanğa kilep, konsertlar quyaçaq. Şul uq waqıtqa, Alsunıñ tatarça cırlarınnan ğına torğan lazer tälinkäse çığaçaq. Şul isäptän, bu tälinkägä Rim Xäsänov icat itkän 4 cır da keräçäk. Rim Xäsänovnıñ üze yäşägän Ufadan kitep, Qazanda yäki Mäskäwdä icat itü säbäpläre turında bu yulı äytep tormıybız. 2003 yıldağı prezident saylawlarında Rim Xäsänov icat itkän “Ätkäyem” cırı säyäsi tösmer alğan öçen, anıñ avtorlarına qıyınlıqlar kilgän ide. Milläten häm sänğätne söygän härkem qayda bulsa da, üzençä yäşi. Ufada bu könnärdä kilep tuğan kierenke waqiğalar turında Qazanda bernindi dä reaksiä yäki kommentariylar işetelmi. Tatarstandağı wäzğıät häm käyeflär bötenläy başqa.

Rimzil Wäli

XS
SM
MD
LG