Izrail' xökümäte Quşma Ştatlarnıñ Fälestin cirlärendä yähüd tözeleşlären tuqtatu taläplärenä qaramastan Könbatış Yarda tağın 50 yort tözergä cıyınuın iğlan itte.
Bu yortlar Elkana qasabasında tözeläçäk.
Uzğan atnada AQŞ prezidentı George Bush İzrail' premyer ministrı Ariel Şaronnı Fälestinlelär belän solıx turındağı Yul Xaritası planında äytelgän yöklämälärne ütärgä, qasabalarnı kiñäytmäskä çaqırğan ide.
Fälestinlelär Könbatış Yarnı kiläçäktä tözeläçäk bäysez däwlätneñ ber öleşe itep kürä häm İzrail'neñ andağı härtörle tözeleşenä qarşı çığa.
İzrail' xökümäte şulay uq Gazadan yähüd utarların çigerüne 3 atnağa kiçekterü mäs'äläsen qarıy. Başta çigerüne 20-nçe yüldä başlaw planlaştırılğan ide.
İzrail' armiäse äytüençä, bügen Gazada ber fälestinle 2 izrail'lene atıp yaralağan.
