Ğiraq iminlek köçläre başqaladan könyaqtaraq Mädäin şähärendä sönni suğışçılar ber yözläp şığıynı totıq itep alğan digän xäbärdän soñ ul şähärgä barğan. Ämma totıq alu turındağı xäbär raslanmağan.
Armiä räsmiläre äytüençä, Ğiraq köçläre AQŞ xärbiläre belän bergä ul şähärdä bernindi qarşılıqqa da oçramağan. Soldatlar berniçä urlanğan maşina, suğış kiräk-yaraqları, bomba yasaw cihazını yulıqqan. Ämma şähärdä dä, anıñ tiräsendä dä totıqlar tabılmağan.
Yäkşämbe könne premyer-ministr wazıyfaların başqaruçı İyad Älläwi Äl-Qaidä ul keşelärne sönnilär belän şığıylar arasında watandaşlar suğışı çığaru öçen totıq itep alğan dide.
Ämma internetta äl-Qaidä totıqlar mäs'äläse xökümät köçläreneñ Mädäingä kilüenä äzerlek öçen uylap çığarılğan dip belderde.
