Accessibility links

пәнҗешәмбе, 8 декабрь 2016, Казан вакыты 01:28

İran etnik çualışlar turındağı tapşıru säbäple Al Jazirä ofisın yaptı


İran xakimiätläre ğäräb televidiniä şirkäte Al jaziräneñ Tehran ofısın waqıtlıça yabıp, anıñ İrandağı barlıq eşçänlegen tuqtattı.Xakimiätlär İrannıñ könyaq könbatışında küptän tügel genä etnik ğäräblär belän iminlek köçläre arasında bulıp alğan bäreleşlärne al Jazire televidiniäse separatist başkütärü itep kürsätergä tırıştı dip añı ğäyepli . Televidiniä üz tapşıruın yaqlap Tehrannnıñ qararın kötelmägän häm qızğanıç dip bäyäläde.

Tehran, Xuzestan töbäge Ahvaz şährendä bulıp alğan bäreleşlär turında al Jazireneñ tapşıruların tikşerä başlağan.Mädäniät Ministırlığınıñ çit il mätbuğat üzäge citäkçese Xösäin Xoşvagt İRNA agentlığına Axvazdağı waqıyğälärdä al jazire xalıq xislären manipulatsiälädeme, yuqmı , açıqlanğançığa qädär şirkät yabıq toraçaq dip belderde İran deputatları da bu turıda şiqäyät belderde. Deputatlar al Jazire Xuzestanda ütkän atnada bulıp alğan waqıygälärne İrannıñ ğäräb azçılığı başlatqan separatist tınıçsızlıq dip kürsätergä mataştı dide.Ğäräblär İran xalqınıñ 3%n ğına täşkil itä, etnik tınıçsızlıq digän töşençä farsi küpçelegendä yalğış añlaşıla ala Deputatlar al Jazire belä torıp separatist başkütärü turında söyläp etnik doşmanlıqqa säbäp bulırğa teli , televidiniäneñ barlıq xezmätkärläre ildän quulırğa tieş dip äytä. Al Jazire üz tapşıruların yaqlap çıqtı, Süzçe

Jihad Ballout (audio)

Al Jazire ber niçek tä İrandağı eçke täräqiätlärgä qatnaşmıy da, qatnaşa da almıy.. Bez xabär agentlığı .häm başqa agentlıqlar kebek waqıyğälärne bulğan kebek yaqtırtırğa tırışabız.Bez İranda bulğan eşlärne in yaxşı, in balanslı häm obyektiv räweştä işetterergä däwam itäçäkbez.Bez başqa illärdä dä moñı üttek, sonğı çiktä salqın qanlılıq häm mantıq östenlek itäçäk.Bez İran xakimiätläre metbuğatqa döres bäyä birer häm bälkim dä qararların tizlektä üzgärter dip ömed itäbez.

İran räsmiläre tınıçsızlıqqa traditsion räweştä ğäräblär yäşägän Axvaz şährenä başqa xalıqlar küpläp küçerelep utırtılaçaq digän xat säbäp buldı dip äytä. Xatnı İrannın eleke vitse prezidentı Möxämmäd Ali Abtaxi yazğan dip däğwä itelde. Räsmilär xat yalğan , Abtaxi dä min xat yazmadım dip belderä. Etnik tınıçsızlıqqa säbäp bulğan xat Axvazi ğäräbläreneñ yuğaltqan cirlären kire qaytarunı taläp itkän Demokratik Xalıq Xäräkäteneñ internet säxifäsendä basılıp çıqqan .15nçe apreldä planğa protest belderü öçen Axvazda yözlärçä ğäräb cıyıla, demonstratsiä köç qullanılğan cıyınğa äylänä, banklar, qayber xökümät binaları yandırıla. Axvazi ğäräbläreneñ Britaniädäge wäkile Al Jeziregä xatta Xuzestanda İran okupatsiäseneñ 80 yıllığı tınıç räweştä iskä alınırğa tieş dip äytelgän ide digän.Törkem xökümät ber närsägä qaramıy köç qullana başladı dip däğwä itte Räsmilär äytüenä qarağanda çualışlarda in kimendä 5 keşe üterelgän ,200keşe qulğa alınğan.İran küzläw ministırlığı belderüenä kürä , qulğa alınğan keşelärneñ zur öleşeneñ çit il törkemnäre yäki televidiniä şirkäte belän bäyleneşe bar, alar İran islam däwläten bärep töşerergä tırışa. Xuzestan jurnalistı Yusuf Azizi Banitorov Radio Fardağa etnik ğäräblär arasındağı tınıçsızlıqqa iqtisadi problemalar, xäyerçelek säbäp bulıp tora dip belderde.

Banitorov(audio)

Abtahinıñ xatı döresme yalğanmı , mäsäläne üzgärtmi , ul töş şartlarğa torğan bomba kebek . Bez Axvaz da başlıça ğäräblär yäşägän urında şulayuq Abadan häm başqa şähärlärdäge yarlılıq turında xakimiätlärgä belderdek, qayber çaralar da täqdim ittek beräw dä iqtibar itmäde

İran xakimiätläre belderüenä qarağanda Axvazda tormış normal, tınıçlıq xökem sörä.Xuzestandağı sonğı tınıçsızlıqnı tikşerü öçen mäxsus komissiä cibärelä färidä xämit
XS
SM
MD
LG