Accessibility links

чәршәмбе, 7 декабрь 2016, Казан вакыты 23:16

Beslan mäktäbendä totıqlar aluda ğäyeplänüçe Kulayevnı xökem itü eşendä bügen berençel tıñlawlar ütte


Beslanda mäktäbendäge bıltırğı totıqlar krizisında berdänber isän qalğan totıq aluçı dip qaraluçı Nur Paşi Kulayevnı xökem itü eşendä berençel tıñlawlar ütkärde. Xökem eşeneñ töp öleşe Tönyaq Osetiä Yuğarı Mäxkamäsendä 17-nçe mayda başlanırğa tieş. Rusiä baş prokurorınıñ urınbasarı Nikolay Şepel xökem eşe cämäğätçelekkä açıq bulaçaq dide. Uzğan yılnıñ sintäber başında Beslan mäktäbendä totıqlar alu öçen cawaplılıqnı Çeçen qorallı köçläre citäkçese Şamil Basayev üz östenä aldı. 1 meñnän artıq keşe 3 kön çaması totıq buldı. 3-nçe sintäberdä şartlawlar häm atışlar näticäsendä 330-lap keşe ülde. Ülüçelärneñ yartısınnan artığı balalar. Prokurorlar äytüençä, Kulayev totıqlar aluda qatnaşuın tanığan, ämma şäxsän ber keşene dä ütermägänlege turında täqrarlıy.

XS
SM
MD
LG