Accessibility links

шимбә, 10 декабрь 2016, Казан вакыты 06:11

Ulyannıñ 68nçe mäktäbendä “Min yaratam sine Tatarstan” isemle ädäbi-muzıkal kiçä uzdı


Uqıtuçı Zöhrä Xäbibullina anı Qazannıñ 1000 yıllığına bağışlap oyıştırğan. Ä üze bu çaranı şuşı mäktäpneñ ayırım tatar sıynıflarında uquçı balalarnıñ icadi isäp-xisabı sıyfatında oyıştırğanın äytte.

Xalidä Şäräfetdinowa belän Älfiä Säyfetdinowa şuşı mäktäpkä uquçılar äzerläwçe 246-nçı balalar baqçası balaların da alıp kilgännär ide. Çarada alarnıñ äti-äniläreneñ dä qatnaşuı bu balalarnıñ näq şuşı ürnäk mäktäpkä balaların biräçäklärenä nigez bulıp ta toradır. Şulay uq bu baqçanıñ mödire, häm muzıykantınıñ da bu çarada qatnaşuı – küñelle küreneş. Dimäk, alar da balalarnıñ nindi mäktäpkä kilüenä bitaraf tügel.

Şuşı mäktäptä uquçı balalarnıñ äti-äniläre dä üz sabıylarınıñ çığışların tıñlap xozurlandılar.

Programma, nigezdä, Qazanğa bağışlanğan cır-şiğırlärdän tözelgän ide. Ämma kiçä şähri Bolğarğa bağışlanğan cırdan başlandı. Bu isä Qazanıbıznıñ Bolğar varisı ikänen assızıqlaw kebek qabul itelde. “

Uqıtuçı Zöhrä Xäbibullina barlıq çaraların da “Tuğan tel” häm “Bolğar yañarışı” oyışmaları belän berlektä uzdıra, çönki ul üze dä milli xäräkätneñ iñ aktiv äğzalarınnan berse. Bu çaranı oyıştıruda da milli oyışmalar zur yärdäm kürsättelär. Mäsälän, “Tuğan tel” räise Mäxmüt Xäyrullin iñ yaxşı çığış yasawçılarğa Bötendönya Tatar kongressı başqarma komitetı birgän kitaplar alıp barğan ide. Xäyer, barısı da yaxşı dip tabıldı, küräseñ: säxnägä çıqqan ber genä bala da büläksez qalmadı. Şulay uq 246-baqça balaları da büläksez kitmädelär: här nänigä kitap tabıldı. Ä Zöhrä xanım üze Qazannan balalar baqçası öçen programma, däreslärneñ metodik eşkärtmäläre häm xrestomatiä alıp qaytqan ikän. Boları inde – tärbiäçelärgä tapşırıldı.

XS
SM
MD
LG