Accessibility links

якшәмбе, 11 декабрь 2016, Казан вакыты 09:17

Mäwlet bäyräme möbäräk bulsin


Möselman kalendare buyınça Rabiğel-äüwäl ayınıñ 12 könendä soñğı päyğämbär Möxämmät (ğs) dönyağa kilgän. İslam tarixı buyınça, ul şul uq ayda, 63 yäşendä wafatta bula. İslam dinen totuçı xalıqlar, şuña kürä, rabiğel-äüwäl ayında mäwlet bäyrämnäre ütkärälär. Çärşämbe kiçendä şuşı möbaräk bäyräm mäwlet kiçäse uzdırıla. Ä pänceşämbedä isä, mäwlet bäyräme bula. Tatarstan diniä näzaräteneñ däğwät bülege xezmätkäre Aynaz Möxämmätcan söyli

Bu könne Möxämmät päyğämbärne iskä alu ğına tügel, ä salawatlar äytelä. Päyğämbärneñ ber xädise bar. Miña az salawat äytüçe –ul sarannarnıñ iñ zurısı, dielä anda. Bez şuşı mäwlet forsatınnan faydalanıp, päyğämbärgä salawatlar äytäbez, anıñ tormışınnan mäğlümatlar uqıybız. Xädislär -sira digän fän bar, şunı öyränäbez. Bu könne balalar öçen törle qızıqlı çaralar ütkärelgän. Bezdä şuşı ğädätkä turı qalıp, mäwlet bäyrämendä Diniä näzarätendä balalar öçen oçraşu uzdırabız

Tatarlarda, mäwlet bäyräme ber kön yäki kiç belän genä totqarlanıp qalmıy. Ul 20 kön buyına däwam itä. Bu waqıtta, awıllarda bigräk tä, mäcleslär uzdırıla. Anda, xäläl tabın artında, Qor’ännän ayätlär-sürälär, Möxämmät päyğämbärgä bağışlanğan salawatlar, Allahıdan yarlıqaw sorap doğalar qılına. Möselman tatarlarğa xas bulğança, ir-atlar ayırım, xatın-qızlar ayırım tabın artına cıyıla. Älbättä inde, mäclesne bu waqıtta, mönäcätlär bizi. Bügenge köndä dä, küp kenä tatar awıllarında bu ğädät yuğalıp qına qalmadı, ä kiresençä, yaña därt belän torğızıla da. Häm, qayçandır yuqqa çığu aldında torğan ruxi yadkärlärebez –mönäcätlär, tağın imanğa, täüfiqqa çaqırıp, küñellärne şatlandıra başladı.

(Gölzadä başqaruında mönäcät yañğırıy)

Räfis Cämdixan

XS
SM
MD
LG