Accessibility links

җомга, 2 декабрь 2016, Казан вакыты 20:58

Küp kenä katoliklar, dönya citäkçeläre yaña papanı xuplasa da, liberallär qänäğät tügel


Dönya citäkçeläre Rim Katolik Çirkäweneñ yaña başlığı itep kardinal Joseph Ratzingernıñ saylanuın xuplap çıqtı.Ämma ğomumän alğanda papa Benedict XVIğa qarata reaksiä bik törle. Küp kenä liberal katoliklar konservativ kardinalneñ çirkäw başlığı itep saylanuı belän ber dä qänäğät tügel.

Papa Benedictneñ tuğan Könyaq Almanyanıñ Marktl şähärçegendä bäyräm atmosferası , çirkäw qıñğırawları qağa (audio) keçkenä qızlar qäğäz Vatikan bayraqları totqan ä irlär bavar kiyemnärendä şähärdä yöri. Şähär mere Gschwendtner papanıñ tuğan yortı aldında

Gschwendtner(audio)

Min monda nıq ğorurlanıp papa Benedict XVI nıñ tuğan yortı aldında toruıbıznı äytäm

Dönya citäkçeläre dä yaña papanı xupladı. BMOsı general sekretarı K.Annan bilgele reaksiä süzläre äytte

K.Annan(audio)

Minemçä papa bik täcribäle keşe ul sonğı papa belän dä nıq xezmätäşlek itte, ul da şulayuq mäğnäwi tormışqa öleş kerter dip ömed itäm

Ämma ğomumän alğanda reaksiä bik törle.Çönki Benedictneñ , üzennän eleke papa İonn Paul İkençeneñ bik konservativ qaraşların urtaqlaşqanı mäğlüm. Ämma qayberäwlär monıñ belän kileşä misal öçen amerikan katoliğı

Ned Farmer (audio)

Min bik bäxetle, bik şat, Min anıñ- konservativ buluına bik şat. bu bik yaxşı,katolik çirkäweneñ konservativ bäyälärne yaqlawı bik yaxşı

Ämma Ratzingerneñ saylanuı başqaların ber dä qänäğätländermi. Misal öçen Çilele Manuel Celis min bu märtäbä Latin Amerikasınnan beräwneñ papa itep saylanuın telär diem, Minemçä yaña papa in kileşle keşe tügel digän. İkençeläre yaña papa çirkäwneñ ayrılışu , xatın qız poplar , homoseksuallek häm kontraseptivlar kebek mäsälälärdä qarşılıq kürsätüen yomşartır dip ömed itkän ide. Könyaq Afrikada aglikan arxiepiskop Desmond Tutu Benedictnı nıq konservativ zamanadan artta qalğan keşe dip bäyäläde.Tutu min kondomlar häm AİDS mäsäläsenä qarata mäqülleräk pozitsiä alğan beräw bulır dip ömed ittem dide. Braziäle Clari Santos ta ,minemçä yaña papa konservativ, bez çirkäwdä kübräk xäräkät, üzgäreş telär idek, añı saylağannnar ikän nişlägännären belä torğannardır dip söyläde, Yaña papa Benedict XVInıñ başqa dinnärgä mönäsäbäte dä borçılu tudıra. 2000nçe yılda Ratzinger xristian dönyasınıñ başqa çirkäwlären citärsez dip tamğalap Luterannarnıñ şiqäyätlären absurd dip bäyälägän ide. Ul şulayuq möselman ile Törkiäneñ Yevropa Berlegenä kerüenä röxsät itü bik zur xata digän ide. Bügen başqa dinnärneñ citäkçeläre dä yaña papanı üzennän eleke Papa İonn Paul IIneñ yulınnan barırğa dinnärne berbersenä yaqınnaştırırğa öndedelär Azie häm yaqın Könçığıştağı dini çitäkçelär şulayuq Anglikan çirkäwe başlığı Rowan Williams, Rusiä Provaslaw çirkäwe patriarxı Aleksey IInçe dinnär arasında dialog häm xezmättäşlekkä çaqırdılar . İzraelneñ turizm ministırı

Abraham Hirchson(audio)

Ratzinger äfände, papa yaña papa , üzennän eleke papa kebek yähüd xalqı , İzrael däwläte häm dinnär arasında dialogqa ähämiät birer. Bügen papa Benedict ütkärgän berençe dini yolada başqa dinnär belän dialog urnaştıru minem plannaştırğan eşlär arasında dip belderde. 23yıl buyı Vatikanda nıq konservativ qaraşnı yaqlağan kardinal Ratzingergä italian mätbuğatı qalqan kardinal , Allanıñ Rottweilere kebek quşamatlar birgän ide . Anıñ çärşämbedä ük başqa dinnär arasında dialog urnaştırırğa uylıym häm yarlı 3.Dönya katoliklarınıñ borçıluların onıtmıyaçaqmım dip äytüe bälkim Benedict XVI yulı turında aldan fiker beyan itmäw kiräklegenä işaräder färidä xämit
XS
SM
MD
LG