Accessibility links

пәнҗешәмбе, 8 декабрь 2016, Казан вакыты 10:58

Ğiraqta 70läp ğiraqlınıñ üle gäwdäse tabılğan


Bağdad -- Ğiraq prezidentı Calal Talabani, Tigr yılğasında 50dän artıq casäd tabıluı turında belderde. Bu keşelär Bağdad yanındağı ber qalada totılğan totıqlar dip farazlana. Terrorçılar alarnı üterep Tigr yılğasına taşlağan, dide Talabani. Politsiä äytüençä, casädlär Bağdadtan 40 çaqırım yıraqlıqtağı Suwayra qalası yanında tabılğan. Uzğan atnada şiği citäkçelär Madain qalasında 100läp keşeneñ sönni suğışçılar tarafınnan totıq itep alınuın xäbär itkän ide. Ğiraqnıñ iminlek köçläre qalanı tentep çıqqannan soñ, bu xäbärgä raslaw taba almağanın äytte. Bügen Talabani, "anda totıqlar bulmağan digän süz döres tügel, alar bulğan, läkin üterelgän" dide.

Ul arada Bağdadtan 200 çaqırım yıraqlıqta urnaşqan Hadita qalasında ğisyançılar Milli gvardiäneñ 19 äğzasın ütergän. Associated Press xäbär itüençä, alarnıñ casädläre futbol qırındağı diwar buyına tezep salınğan.

Bağdadnıñ Amariä bistäsendä maşinağa quyılğan bomba şartlaw näticäsendä ike keşe häläq bulğan, berniçäse yaralanğan. Kiçä Bağdadta yulğa quyılğan bomba şartlaw näticäsendä ike amerikan xärbie häläq bulğan, 4se yaralanğan.

XS
SM
MD
LG