Accessibility links

җомга, 9 декабрь 2016, Казан вакыты 08:58

Yaña papa xristiannarnı berläşterü eşen däwam itäçäk


Vatikan -- Rim papası Benedict XVI-nçı elekke papanıñ xristiannarnı berläşterü, başqa dinnär belän dialog qoru eşen däwam itäçägen belderde. Bu maqsatları turında ul bügen Vatikannıñ Sikstin pulatında kardinallar aldında qılğan berençe doğasında äytte.

Dönyadağı milliardtan artıq katolik, iñ zur xristian törkeme sanalsa da, bar xristainnarnıñ yartısın ğına täşqil itä. Katolik bulmağan xristian citäkçeläre yaña papağa törleçä mönäsäbät belderde. Rusiä partiarxı Aleksi ikençe papanı pravoslav häm katolik çirkäwlär arasında ğasırlar buyına cıyılıp kilgän qarşılıqlarnı kimetergä çaqırdı. Könyaq Afrikanıñ ingliz çirkäwe citäkçese Desmond Tutu, "dönayadağı soñğı täräqqiätlärgä açığraq keşe saylanır dip ömetlängän idem" dide.

Germaniä kanslerı Gerhard Şröder alman kardinalı Joseph Ratzingernıñ papa bulıp saylanuı bar alman milläte öçen ğorurlıq dide. Töreklär isä, Ratzingernıñ uzğan yıl äytkän, Törkiä möselman ile, şuña kürä Yevropa Berlegenä kerä almıy digän süzläre uñayınnan borçılu belderde. Alay da bügen Törkiä premier-ministrı Räcäp Tayyıp Erdoğan, bu anıñ şäxsi xisläre, dide.

XS
SM
MD
LG