Aşğabat -- Törkmänstan citäkçese Saparmorat Niazov 2009 yılda ütäçäk prezident saylawlarında bu urınğa däğwa itmäyäçägen iğlan itkän. Bu turıda ul Törkmänstanda säfärdä bulğan Yevropada İminlek wä Xezmättäşlek oyışması räise Dmitri Rupelgä äytkän. Rupel süzlärençä, Niazov, 2009 yıl saylawlarında berniçä namzät bulaçağın häm üzeneñ alar arasında bulmayaçağın wäğdä itkän. Elegräk Niazov, däwlät başlığı 70tän qartraq bulmasqa tieş, digän ide. Küptän tügel aña 65 tuldı.
