Accessibility links

якшәмбе, 4 декабрь 2016, Казан вакыты 05:05

Tөnyaq Kipr Tөrek Cөmhuriätendä yaña prezident saylandı


Ütkän atna azağında Tөnyaq Kipr Tөrek Cөmhuriätendä Prezident saylawları buldı häm respublikanıñ ikençe prezidentı bulıp Mehmet Ali Talat saylandı. Birelgän tawışlarnıñ 56%-ın alğan Talatqa өmet bağlawçılar baytaq. Şulay itep, 30 yıllıq prezident Rauf Denktaş çorı tämam. Ul bu yulı saylawlarda namzät bulmadı. Mehmet Ali Talat AB häm utrawnıñ Grek өleşe belän kileşüne yaqlıy. Şul säbäple AQŞ ta, Grek yağı da saylaw näticäse belän qänäğät. Şulay uq Ankara da Talatqa täbriklären cibärde. İnde yaña lider Kipr Tөrekläre өçen yaxşılıqlar kiterä alırmı, kürerbez. Läkin inde "fosillaşqan" ber Prezidentnıñ almaşuwı bik uñay küreneş. Rauf Denktaşnıñ politikası qatıp qalğan ide. Kiläçäktä Tөnyaq Kipr bäysezlegen saqlap qala alaçaq mı, yä isä Grek xakimiäte astında erep betäçäk me, yä isä Tөreklär өçen avtonom xoquqlar bireläçäk me? Kipr xalıqara säxnädä bäysezlekkä omtılğan baytaq xalıq өçen ber ürnäk bulıp tora.

Äxtäm İbrahim, İstanbul
XS
SM
MD
LG