Accessibility links

шимбә, 3 декабрь 2016, Казан вакыты 14:44

Ğıraqtağı körd häm şığı qorallı törkemnär ildä qanun wä tärtip urnaştıruda qatnaşırğa tieşme?


Ğıraq prezidentı Jalal Talabani küptän tügel genä BBCgä Ğıraqtağı başkütärüne bastıru öçen körd häm şığı suğışçıları qullanılırğa tieş dip äytkän ide.Ämma AQŞları xärbiläre ğıysyannı bastıru öçen körd peşmärgaları yäki şığı Bäder Brigadasın qullanu ideasına qarşı çığa..Analitiklar bu suğışçılarğa andıy mömkinlek birü Ğıraqta watandaşlar suğışına alıp baraçaq dip belderä

Ğıraqta körd häm şığı suğışçları bik köçle dip qarala. Öç säyäsi partiä, Körd Demokratik partiäse , Kördistannıñ Patriotik Berlege häm Ğıraqta İslam İnqilabı öçen Yuğarı Şura- alarnıñ här berse köçle suğışçı törkemnärenä iä.Başqa säyäsi partiälärneñ dä qorallı törkemnäre bar, ämma bolar küpke köçleräk. Britaniädä urnaşqan ''Jane''s Sentinel Assessments-neñ yaqın könçığış muxarrire

David Hartwell(audio)

Körd Demokratik Partiäseneñ 15meñ partizanı häm 25meñ qabile suğışçısı bar.

Prezident Talabaninıñ Kördistan Patriotik Berlege partiäseneñ dä 15meñ partizanı 20meñ çaması qabilä suğışçısı bar. Saddam rejimı cimerelgänçe alarnıñ barısı da yıllarça Ğıraq armiäsendä xezmät itkän suğışqan, ayruça bu ike köndäş körd partiäse suğışçıları berbersenä qarşı da suğışqan.Hatwell fikrençä,körd peşmergaları naçar qorallanmağan , ämma älbättä armiä däräcäsendä tügel. Alarnıñ in awır qoralı artileriä , raket caylanmaları ämma alar ällä ni kamil qoralğa iä tügel.Analitiklar kördlär qoralların çit illärdä qara bazarda, şulayuq Ğıraq eçendä satıp aldı dip belderä. Bu suğışçılarnıñ ber öleşe Ğıraq armiäsendä künegüdän ütkän bulsa ikençeläre AQŞ mäxsus köçläre tarafınnan citeşterelde. Şığılarnıñ Bäder Brigadasına kilgändä alar Ğıraq İslam İnqilabı öçen Yuğarı Şuranıñ qorallı qanatı. Tögel sanı bilgele bulmasa da ber niçä meñ dip farazlana.Brigada Saddam waqıtında İranğa qaçqan keşelärdän tora. Londonda urnaşqan Ğäräb-İran Tikşerenüläre Üzäge direktorı Aliriza Nurizade Bäder brigadası köçle törkem disä dä anıñ İran belän yaqın mönäsäbätläre säbäple turılıqlığı mäsäläsendä şiklär bar di

Nurizadeh(audio)

Alar eçendä berniçä meñe bik yaxşı suğışçı dip uylıym, ämma problema turılıqlılıqta. Berençedän alarnıñ bik kübese Ğıraq rejimı cimerelgänçe Ğıraqnı ber qayçan da kürmägän keşelär, alarnıñ qayberläre İranda tuğan ğäräbçägä qarağanda farsinı yaxşıraq belä. Alar Ğıraqqa qarağanda Ayatolla Xomeini, İran däwlätenä turılıqlı

Hartwell dä Bäder Brigadası Xızbulla kebek künegülärdän ütkärelgän ämma anıñ qoralları ällä ni kamil tügel dip uylıy. Prezident talabani Küptän tügel genä BBCgä birgän ängämädä, AQŞnıñ bu suğışçılarnı qullanuğa qarşılıq kürsätüenä qızğanıç beldergän ide Talabani süzlärençä, terrornı beterü öçen bezneñ üz köçlärebez bar ,alar suğışırğa tieş Ämma küp kenä analitiklar körd häm şığılarnıñ sönnilär yäşägän töbäklärdä qanun, tärtib urnaştıruların küz aldına da kiterä almıybız dide.Hartwell da bu iminlekne tağı da naçaraytaçaq häm ilne watandaşlar suğışına alıp baraçaq , Amerikannar moña röxsät itär dip küz aldına da kiterä almim dip söyli. Nurizadeh ta bu suğışçlarnı qatnaştıru Ğıraqtağı wazğiätne tağı da naçaraytaçaq di Ämma ul Ğıraqnıñ yaña xökümäte körd suğışçıları häm Bäder Brigadasın ilneñ armiäsenä integratsiäläw öçen här närsäne eşlärgä tieş, bu alarnıñ standartın kütärer häm Ğıraq armiäseneñ suğış säläten artırır ide dip belderä. färidä xämit.
XS
SM
MD
LG