Accessibility links

шимбә, 10 декабрь 2016, Казан вакыты 02:27

Qazannıñ 1000 yıllığına büläklär çığaru qimmätkä töşä


Kürgäzmädä Tatarstan şirqat'läre, ayırım keşelär citeştergän Qazan turında istäleklär, büläklär täqdim itelgän ide. Alar arasında törledän-törle çigelgän milli kiemnär, künnän yasalğan çüäklär, çiteklär, buqçalar, yançıqlar, çülmäklär, tartmalar, sölgelär, räsemnär bar ide. Üzläre citeştergän äyberlär turında Qazannıñ 40нчы hönär uçilişçesınnan Älfiä Nurieva “Azatlıq” radiosına bolay dide

Bez törle äyberlär citeşteräbez Qazannıñ 1000 yıllığına, materiallarnı üzebez satıp alabız. Ul şaqtıy küp waqıtnı ala. Şuña bu eşne yaratuçılar ğına eşli ala.

Berniçä yıl elek kenä citeşterelä torğan istäleklärneñ törläre dä, küläme dä çiklängän ide. Qazannıñ 1000 yıllığı uñayınnan citeşterü bazarı üseş aldı. Citeşterüçelär şaqtıy küp keremgä ömet itep totındı bu eşkä. Läkin köndäşlek, awır şartlar kiresençä citeşterüçelärne qıyın xälgä quydı, küp kenä problemalar kilep tudı. Tügäräk östäldä näq şular xaqında süz bardı –bina yuqlığı, arendanıñ qimmät buluı, ut-su öçen tüläwlärneñ härdaim artıp toruı näticäsendä, citeşterüçelär berençe çiratta citeşterü turında tügel, ä problemalarnı xäl itü xaqında uylarğa tieş bula.

Xalıq sänğate hönärçelegen üsterü palatası citäkçese Nuri Mostafaev istälekle äyberlär citeşterüçelärgä taşlamalar buldıru xaqında Tatarstanda maxsus qanun qabul itelüen belderde. Läkin ul ğämäldä ütälmi häm faydası yuq dip açınıp söyläde citeşterüçelär. Bilgele ki arendanıñ, çimalnıñ qimmät buluı näticäsendä, küp kenä tegü – çigü xezmätläre quldan eşlängängä äyberneñ bäyäse yuğarı bula. Şuña da qaramastan istälekle äyberlärgä ixtıäc. soraw zur ikän. Bu xaqta tügäräk östäldä satuçılar äytte. Ämma citeşterüçelärneñ kübese zakaz buyınça eşläwne ışanıçlı dip sanıy. Arçada künnän çitek-çüäklär citeşterüçe oyışma wäkile “tügäräk östäldä” eşlärgä mömkinlek bar, ämma zakaz yuqlıqnı äytte. Qazan bäyrämenä kilgän millättäşlärebez öçen bu bik matur büläk bulır ide dip belderde. Xökümät wäkilläreneñ “Xäzer bazar şartları, satıp aluçını üzegez tabarğa tieş” diyuenä, bez tatar kongressına möräcäğät ittek, ämma äle uñay cawap birmädelär dip assızıqladı.

Soñğı waqıtta Qazan turında istäleklärne çittä dä küp citeşterä başlağannar. Küräseñ yubiley uñayınnan alar da aqça eşläp alırğa uylağannardır. Xätta Qıtaydan xäzer tübätäylär qayta ikän. Arzan bulu säbäple xalıq alarnı kübräk ala didelär, tügäräk östäldä. Läkin Tatarstanda citeşterelgän äyberlärne çın ostalar başqara. Xätta qayber äyberlär barı ber danä genä, qunaqlarğa kürsätü öçen genä çığa ikän. Çönki qul eşe ozaq eşlänä häm şaqtıy qatlawlı.

Qazannıñ 1000 yıllığına bağışlap çıqqan istäleklär, büläklär başqalanıñ 120 kibetendä satıla. Ämma başqalanıñ 1000 yıllığı waqıtında Qazan üzägendä satuçılarnıñ problemaları kilep tuarğa mömkin. Nuri Mostafaev beldergänçä, iminlekne buldıru öçen üzäkkä xalıqnı kertmäskä mömkinnär. Şul säbäple kilgän qunaqlar citeşterelgän istäleklärne satıp ala almayaçaq. Häm citeşterüçelär zıyan küräçäk.

Monnan tış “Qazanğa – 1000 yıl“ digän tamğa belän çıqqan yözlägän äyberlärne yubileydan soñ qayda quyarğa. Älege mäs'älä satuçılarnı bik borçıy. Bu xaqta alar “tügäräk östäl” belderdelär. Şulay uq bäyrämnän soñ bu istäleklärne citeşterüçelär iğtibarsız qalmasmı, eşläre tuqtalmasmı, çönki Qazan turistlarnı äle bik az cälep itä häm bu äyberlärgä ixtıäc bulmayaçaq.

Landış Xarrasova

XS
SM
MD
LG