Accessibility links

Кайнар хәбәр

NATO belän Rusiä xärbi xezmättäşlek kileşüe imzaladı


Vilnyusta NATO ministrları oçraşuında Rusiä belän xärbi xezmätäşlek kileşüe imzalandı häm Ukraina belän xezmättäşlekne nığıtu täqdim itelde. NATO süzçese James Appathurai bu kileşü NATO belän Russiägä urtaq xärbi künegülär ütkärüne ciñelläşteräçäk dide. NATO General' sekretare Jaap de Hoop Scheffer NATO ministrları Ukrainanı NATOğa yaqınraq itäçäk reformalarda yardäm kürsätergä wäğdä birde dide. Ukraina tışqı eşlär ministrı Borıs Tarasuyk xezmättäşlekne yaxşırtu qararı NATO belän mönäsäbätlärdä yaña säxifä aça häm Ukraina 2008-nçe yılğa NATO standardlarına yaraqlaşırğa teli dide. NATO general' sekretare Scheffer, ägär dä Afrika Berlege sorasa NATO Sudannıñ Darfur töbäge krizisın çişüdä qatnaşırğa äzer dip belderde. Scheffer NATO Darfurğa soldatlar cibärmäyäçäk, ämma Afrika Berlegenä planlaştıru häm oyıştıru eşlärendä yardäm itä ala dide. Anıñ äytüençä, NATO dönyada iñ kamil planlaştıru maşinasına iä.
XS
SM
MD
LG