Accessibility links

Кайнар хәбәр

Başqortstan xalıqları assambleyası Mintimer Şäymievkä möräcägät itte


Başqortstanda oppozitsiä köçläre citäkçeläreneñ berse – Başqortstan Tatar cämägätçelek oyışmaları berlege räise Ramil Bignovqa qarşı höcümnär däwam itä. Bu yünäleştä respublika xakimiätläre törle alımnarnı qullanıp qarıy. Kiñ cämägätçelekneñ ayırım wäkilläre dä, ictimağıy oyışmalar da cälep itelä bu eşkä. Atnaqiç könne Başqortstan xalıqları assambleyase şurası Tatarstan Respublikası prezidentı Mintimer Şäymievkä möräcägät qabul itep, añardan yärdäm soradı – Ramil Bignovnı tıyunı, «awızlıqlawnı» ütende. Möräcägättä äytelüençä, Başqortstanda tatar xalqı öçen böten mömkinleklär buldırılğan, tik menä Bignov äfände genä tatar belän başqortnı suğıştırırğa teli ikän. Mäğlüm buluınça, Ramil Bignov Tatarstannıñ Başqortstandağı säwdä-iqtisadıy wäkilçelege citäkçese wazıyfaların başqara. Şuña kürä dä Başqortstan xalıqları assambleyasına kergän 11 oyışma citäkçeläre üzläre qabul itkän möräcägät belän Mintimer Şäymiev arqılı Bignov äfändegä basım yasamaqçı. Ämma uzğan ber proğrammabızda «Azatlıq» radiosına birgän äñgämäsendä Ramil Bignov üzeneñ Başqortstanda oppozitsiä köçläre citäkçese buluında Tatarstannıñ ber qısılışı da yuqlığın beldergän ide. Min bu wazıyfanı Tatarstannıñ räsmi wäkile bularaq tügel, ä eşquar sıyfatında başqaram», – di Ramil äfände. Üzeneñ tatar xalqı mänfägätlären yaqlawı säbäben dä ul Tatarstan wäkile bulğanğa tügel, ä Başqortstanda tuıp üskän häm biredä yäşäwçe million yarım tatarnıñ kisken problemnarın yaxşı belgängä kürä yaqlıym, dip añlata. Respublikanıñ räsmi gäzitlärendä äle haman da kön sayın oppozisiä citäkçelären qara buyawlar belän kürsätkän yazmalar küpläp basıla. Misal öçen, başqort telendä çığuçı «Başqortstan» gäziteneñ comğa sanınıñ zur öleşe älege dä bayağı Ramil Bignovnı häm üzen Başqort milli kongressı citäkçese dip atawçı Ayrat Dilmöxämmätovnı sügügä bağışlağan. Başqortstan däwlät televideniese isä atnaqiç könne 2003 yılnıñ azağında, respublikada prezident saylawlar waqıtında uylap tapqan ber proyektın, zur tänäfestän soñ, yañadan efirğa çığara başladı. «Продолжение следует» – «Däwamı bar» dip isemlängän ul tapşırularda räsmi xaлimiät aqçasına kön kürgän jurnalistlar Mortaza Räximovqa qarşı çığarğa baznat itkän ike qandidat – Ralif Safin belän Sergey Мeremeyenkoğa nindi genä yalalar yaqmağan ide dä, küpme ğänä pıçraq ağızmağan ide. Äle dä menä Başqortstanda yıl yarım elek bulğan waqıyğalar yañarıp kitkändäy buldı. Telewideniedä yañadan birelä başlağan tapşıruda kiçä Ramil Bignov belän Ayrat Dilmöxämmätovnı xalıq doşmanı däräcäsenä citkerep, xurladılar. Şulay itep respublikq xakimiätläre räsmi matbuğatnı başqa törle fiker yörtkän keşelärgä qarşı tağın zur küsäk itep faydalanuğa kereşte.

Fänis Fätxi, Ufa
XS
SM
MD
LG