Accessibility links

шимбә, 10 декабрь 2016, Казан вакыты 08:07

Kişinevta GUUAM citäkçeläre oçraraşa


Kişinevta GUUAM regional' iminlek oyışmasına kergän illärneñ citäkçeläre iqtisad häm iminlek ölkäsendä elemtälärne nığıtu yulları turında söyläşä. Bu oyışmağa Gruziä, Ukraina, Üzbäkstan, Azärbäycan häm Moldova kerä. Ämma oçraşuda Üzbäkstan qatnaşmıy. Oçraşuda Rumıniä prezidentı Traian Basescu GUUAM citäkçeläre Qara Diñgez töbägen saqlawnı qayğırtırğa tieş dide. Ul şulay uq Qara diñgez buyı töbägendäge nizağlar Azärbäycan, Gruziä häm Moldovanıñ separatist töbäklärenä çiklängän aftonomiä birü aşa çişelä ala dide. Ukraina prezidentı Viktor Yuşçenko Moldovanıñ Dnestr respublikası nizağın çişü öçen täqdim yasadı.

AUDİO: Ukraina Dnestr buyı administratsiäsenä töbäktä dä, il külämendä dä demokratiäne, sivil cämğiätne häm küp partiäle sistemanı üsterü öçen şartlar tudırunı täqdim itä. Ukraina bu eşlärdä yardäm itärgä äzerlegen belderä.

Yuşçenko şulay uq Dnestr buyı Moldovanıñ ber öleşe bulıp qalırğa, şul uq waqıtta kiñräk aftonomiä alırğa tieş dide. Gruziä prezidentı Mixail Saakaşvili elekke sovet illärendä soñğı yıllarda bulğan demokratik üzgäreşlärgä tuqtalıp çiratta Belarus tora dide. Saakaşvili GUUAM citäkçelären Belarus turında rezolütsiä çığarırğa çaqırdı.

XS
SM
MD
LG