Accessibility links

чәршәмбе, 7 декабрь 2016, Казан вакыты 01:00

AQŞta 11/9 terror aktı belän bäyläneşe buluda ğäyeplänüçe, ğäyeben iqrar itte


AQŞlarında 2001.nçe yılnıñ 11.sintäberendäge terror aktı belän bäyläneñe buluda ğäyeplängän berdänber şäxes ğäyeble buluın qabul itte. Zäkäriä Mussavi 11.sintäber höcümenä qatnaşmasa da , oçqıçlar belän amerikan binaları-şulsanda Aqyortqa barıp bärelüne küzdä totqan kiñräk süz berläşterügä qatnaşı buluın iqrar itte.Prokurorlar aña ülem cäzası birergä äzerlänä.

Älegä qädär Zäkäriä Mussavinıñ AQŞlarında Al Qaida terror çeltäre öçen närsä eşlärgä tieşlege anıq açıq bilgele tügel ide. Comğa könne çığışı belän marokkolı Fransiä watandaşı Mussavi bu xaqta mäxkämä zalında belderde.Ul 11nçe sintäberdä Nyu York häm Waşingtonda yasalğan höcümnärdä qatnaşmawın ämma oçqıçlarnı küpläp üterü qoralı itep qullanunı mäqsat itep quyğan kiñräk süz berläşterüneñ öleşe buluın iqrar itte. Mussavi süzlärençä Al Qaida citäkçese Osama bin Laden anı oçqıç belän Aqyortqa barıp bärelü öçen saylağan. Mussavi barlıq 6 pukt şulsanda terror aktı öçen süz berläşterüdä ğäyeplände.Prokurorlar aña ülem cäzası birü öçen tırışaçaqların äytte.Baş prokuror

Alberto Gonzales(audio)

Ğäyepläwlärneñ dürtese ülem cazası birü xoquqın tanıy, belgänegezçä bu mäsälädä bez ülem cäzası birelüe öçen tırışaçaqbız

Mussavi ğäyeben 3 yıl däwam itkän legal protsestan soñ ğına tanıdı. Ul 2001nçe yılnıñ augustında imigratsiä qanunnarın bozu säbäple qulğa alına. Mussavigä oçqıç qullanunı öyrätkän pilot, anıñ min Boeing 747 belän oçırğa öyränergä telim digän süzlärenä şiklänep politsiägä xabär itä. 11nçe sintäberdä oçqıçlar säwdä üzäge häm Pentagonğa kilep bärelgändä Mussavi törmädä utıra. Comğa könne ütkärelgän tıñlawlarğa 11nçe sintäber qorbannarınıñ bik küp yaqınnarı da kilde.Alar arasında Debra Burlingame da bar ide. Ul Pentagonğa kilep töşkän oçqıçnıñ pilotı Charlsnıñ señlese

Burlingame(audio)

bu Amerika yustitsiäse öçen bik zur kön dip uylıym.Bez monda abiyımnı häm 3meñ amerikannı ütergän 11nçe sintäber süz berläşterüeneñ barlıq 6puktıntında da ğäyeplelekne tanu aldında torabız. Bu döreslek häm yustitsitsiä öçen bik möhim kön.

Pentagonda xatını ülgän

Abraxam Scott(audio)

ülem cäzası, Xristian bularaq min yarlıqau birergä tieş , ämma bu eştä birä almim . Ülem cäzası, kimräkne qabul itmim.

Xakimnär cäza mäsäläsen qararlaştıru öçen qayçan cıyılaçaq , älegä bilgele tügel Şunnan soñ juri Mussavigä ülem cäzası birelergä tieşme digän mäsälädä qarar biräçäk . Mussavi üze ülem cäzasına qarşı köräşäçägen beldersä dä ul cäzasın yomşartırlar dip kötmi färidä xämit
XS
SM
MD
LG