Accessibility links

Кайнар хәбәр

Katolik häm İslam dine tuım kontrolenä qarata nindi mönäsäbät kürsätä?


Sonğı aylarda xatın qızlar säxifäsendä bez Rusiädä ana bala sälämätlege , abort kebek mäsälälär turında söyläp kiläbez. Bügen bez bu mäsälälägä zur dinnärneñ niçek qarauına tuqtalmaqçı buldıq. Bilgele bulğança Rim katolik çirkäweneñ saylanğan yaña citäkçese dä elekese kebek çirkäwne reformalaw, modernlaştıruğa qarşı dip qarala. Vatikan kondom, kontraseptik çaralar, şulayuq tuımnı kotrol öçen garmonal darular qullanuğa da qarşı. Vatikannıñ şuşı pozitsiäse çirkäwneñ üzendä dä popular tügel. Bez bu turıda söylägännän soñ İslamnıñ tuımnı kontrol,kontrasepsiä çaralarına mänäsäbäte turında möfti Üzäk Russiä Möselmannarı Diniä Nazaratı citäkçese möfti R.Gainetdin birgän mäğlümätne dä işettererbez

Çirkäwgä turılıqlı,nıq ışanğan katoliklar ğailäne tabığıy yullar belän planlaştıra , alar ber nindi yasalma saqlanu çaraları qullanmıy. Bu bigräk tä İrlandiä kebek quyı katolik illärdä kiñ cäyelgän. Ämma xatın qıznıñ ğäwdäsendäge üzgäreşlärne qarap barıp ğailä planlaştıruı, yalğışlıqlar yasalğan metod. Çirkäw cinese mönäsäbät öyläneşkän keşelär arasında ğına bula ala häm ul can , tormışqa açıq bulırğa tieş dip belderä. İkençe süzlär belän äytkändä balağa ütü bernindi çaralar belän tuqtatılmasqa tieş. 60nçe yıllarda kontraseptiv tabletkalarnıñ qullanışqa kerüe belän başqa çirkäwlär dä añı qabul itte. Ämma ul çaqtağı Rim papası moñı kire qaqtı. Katolik çirkäweneñ bu turıdağı qaraşın Avstiädä Xalıqara Teologiä İnstitutında profesor Donald Ascy bolay añlata

Donald Ascy(audio)

Papanıñ belderüe açıq ide: bez dokrinalarnı yañadan eşli almıybız. Bez alarnı eşlämädek, şunlıqtan alar yañartılalmıy.Bez alarnı Ğäyse päygämber häm anıñ 12 yardämçesennän aldıq , bu papalar alıp bara torğan säyäsät tügel

Küp kenä katoliklar bigräk tä bayraq illärdä çirkäwneñ bu kisken pozitsiäse belän ber dä qänäğät tügel. Eleke manaşqa Dr Laviniä Byrrne çirkäw öyläneşkän parlarğa kontraseptivlar qullanırğa röxsät itsen dip äytkän ide.

Byrne(audio)

Bez turılıqlı katoliklar bulırğa telibez ikän yasalma tuım kontole metodların qullanmasqa tieş Ämma yäkşämbe könnärne çirkäwgä barsağız , xalıqnıñ tuım kontrole çaraların qullanğanın añlıysız. Elek 6-8 balalı ğailälär kürä idegez. Ämma äle yäkşämbelärne çirkäwdä ike öç balalı ğailälär genä kürenä. Bu çirkäw öçen bik yaman , çönki bu katolik tormışınıñ üzägendä yalğan yatuın kürsätä , keşelär ber närsä söyli, ikençe närsä eşli.Yoqı bülmäläreneñ işege papa äytkännärenä yabıq , çirkäw bu problema belän eş itergä tieş.

Tağı da zurıraq qurqınıç AİDS . AİDS çirenä qarşı köräşüçe oyışmalar AİDS virusınıñ cüyelüenä qarşı in yaxşı çara kondom dip belderä Ämma çirkäw anı tıya häm AİDSqa qarşı kampaniädä ir belän xatın berbersenä turılıqlı bulırğa tieş dip basım yasalsın digän qaraşta. Katolik çirkäwenä bäyle Bio-Etik üzäktän Anthony McCarthy süzlärençä, bez cinese xislär belän genä xäräkät itkän xäyvan tügel ä keşe kondom taratıp AİDS probleması çişeler dip ömed itep bulmıy.Çirkäw , bu keşegä kürsätelgän yaxşı mönäsäbät tügel häm çirneñ taraluın da tuqtatmıy,dip äytä McCarthy. Bu pozitsiä küp kenä AİDS aktivistlarınıñ açuın çığara , alar çirkäw saqlanu çaralarına qarşı söyli dip äytä.Älbättä bu mäsälädä çirkäwneñ üz eçendä dä tänqitläwçelär bar. Belgiäle kardinal Daneels ütkän yılda ägär dä parlarnıñ bersendä SPİD çire bar ikän kondom qullana ala dip beldergän ide. Çirkäwneñ başqa tanılğan şäxesläre dä şundıyraq komentarlar birde. Añlaşılğanıça katolik çirkäwe qayber mäsälälärdä bik konservativ pozitsiädä häm bu tizlektä üzgärer dip kötelmi. Xörmätle tıñlauçılar bügen bez tuım abort kebek mäsälälärdä küpkä pragmatik , modernraq bulğan islam dineneñ mänäsäbäte turında Üzäk Rusiä Möselmannarı Diniä Nazaratı citäkçese möfti Rawil Gaineddin birgän mäğlümät belän dä sezne tanıştırabız (audio) färidä xämit
XS
SM
MD
LG