Accessibility links

шимбә, 3 декабрь 2016, Казан вакыты 05:36

Yevropa Berlege Rusiä summitına äzerlänä


Yevropa Berlegeneñ Russiä belän mönäsäbätläre bügen Luxembourgta Berlekneñ tışqı eşlär ministırları cıyınınıñ köntärtibendä tora. Ministırlar 10nçe mayda bulaçaq Russiä Yevropa Berlege summitına äzerleklärne küzdän kiçerä. Berlek räsmiläre äytüenä qarağanda,Berlekneñ visa taläplären ciñeläytü, Urtaq kürşelärgä qarata mägämälä yäki Russiäneñ Seber östennän oçqan Yevropa hava şirkätläre oçqıçlarınnan aqça taläp itüe kebek möhim mäsälälär strategik partnörlıq kileşüe öçen kirtä bulıp qala.

Äle ike atna elek kenä tarixi summit dip qarala ide bu oçraşuğa . Russiä belän Berlek arasındağı kileşmäwçänlek säbäple strategik partnärlıq kileşüeneñ zur öleşe dä buş süzlär genä bulıp qalaçaq. Aylarça söyläşülär barsa da töp mäsälälärdä ber nindi dä borılış bulmadı. Ütkändä Berlekneñ qayber räsmiläre Russiä sonğı minutqa qädär satulaştı digän täsir qaldıru öçen mäsälälärne toqqarlıy digän ide Ämma Brükseldä älege waqıtta töp mäsälälär çişelmi qalaçaq digän xis köçlänä bara. Yevropa Komissiäseneñ prezidentı J:M.Barroso ütkän atnada Mäskäwdä buldı häm V.Putin belän 3 säğätkä suzılğan söyläşü alıp bardı. Barrosonıñ süzçese Francoise Le Bail (audio)

Vizit söyläşülär mäsäläsendä tügel ide. söyläşülär texnik däräcädä bardı. Partnärlıqnıñ 4 mäsäläsendä ğomum diskussiä häm kiläçäktäge Berlek –Russiä mönäsäbätläre turında söyläşelde

Le Bail iqtisad häm eçke iminlek mäsäläsendäge söyläşülärdä progress buldı disä dä detallärgä tuqtalmadı.

Le Bail(audio)

İke prezidentnıñ söyläşülärennän may ayında kileşü bula almıyaçağı añlaşıldı

Ütkän atnada radiobızğa ängämä birgän Berlekneñ ber diplomatı fiker ayırmalıqların qulaylıq belän çişep bulmas digän ide. Anıñ süzlärençä, Russiä Berlek illäreneñ hava şirkätlärenä Seber östennän oçqan öçen aqça almıyaçaq digän yazulı garantiä birergä telämi, Berlek bu xalıqara qanunğa qarşı dip belderä. Diplomatqa qarağanda ikençe qıyın mäsälä isä vizalar. Yevropa Berlege üzeneñ viza rejimın ciñeläytergä täqdim itte , ämma moña cawap itep ul Russiägä Berlekkä kergän legal bulmağan imigrantlarnı kire alu yöklämäsen quya. Viza rejimı Rusiäneñ töp mäqsatı bulsa da, Mäskäw kileşü Rusiä aşa Yevropa Berlegenä kergän başqa il keşelärenä tügel ä Rusiä watandaşlarına ğına qararğa tieş digän pozitsiädä tora . Andıy kileşü bulmasa Yevropa Berlege Rusiägä viza rejimın ciñeläyter dip kötep bulmıy. Tışqı iminlek mäsäläsendä Rusiä Berlekneñ ''Urtaq kürşelär'' digän terminın kire qaqtı. Berlek monıñ belän ike yaq arasında xezmätäşlekne küzdä totqan ide. Bu inde Rusiäneñ eleke Sovet territoriäsendä Yevropa Berlegeneñ rol uynawına riza bulmawın kürsätä. Monıñ urınına Mäskäw ike yaqnıñ da berberseneñ tırışlıqların ''İxtiari'' regional integratsiäsen yaqlawnı täqdim itä. Berlekneñ ber diplomatı radiobızğa bolay dip äytte: Bloknıñ äğza illäre strategik partnörlıq kileşüendä mondıy formul, qağıydälär kürensä, bu täsir zonası digän mäğnäne añlatır dip qurqa . Bu diplomat süzlärençä summitta imza iteläçäk kileşüneñ ber nindi dä fundamental problemalarnı xäl qılmayaçağı añlaşıla , ul tik ike yaqnıñ tatulaşuğa taba eşläw telägen genä kürsätä

färidä xämit
XS
SM
MD
LG