«Azatliq» xäbärçese Rusiä Prezidentınıñ yullaması turında xalıq fikeren beleşergä dip, uramda soraştıru ütkärde. Düşämbe könne, Qazan üzägendä oçrağan keşelärneñ küpçelege yullamanı işetmägän bulıp çıqtı, şuña sorawıbızğa cawap birüdän baş tarttılar. Qazan däwlät universitetı studentları, yullamanı işetmäsälär, dä Rusiä Prezidentınnan häm başqa citäkçelärdän närsä kötkännären äytep birdelär. Alar tatar tele qullanışı artuı, anıñ däräcäse kütärelen telilär. Pensioner abıylar, yullama belän azmı küpme tanışıp ölgergännär, ämma byudjet oyışmalarında eşläwçelärneñ eş xaqların bäyälärğä qarağanda kübräkkä artırırğa kiräklege turındağı belderülärgä bik ışanmawın äyttelär. Çönki, ber niçä yıldan Vladimir Putinıñ mötdäte betär, wäğdälärne kem ütär, dip äytä alar. Pensioner abıylarnıñ küñelenä ütkän başqa äyber bar, ul da bulsa – monetizatsiä. Alarnıñ fikerenä qarağanda, Putin, monetizatsiäne ütkärgän keşelärne quyıç çığarırğa tieş bulğan. İr-at xärbilär, Vladimir Putin yullamasın işetkän bulıp çıqtı. Anıñ xoquq saqlaw sisteması turında äytkän fikerlären ayırım igtibar belän tıñlağan alar. Reforma ütkärelüenä häm eş xaqı artıuna ömmetlänä alar. Äñgämädäşlärneñ berse, wäğdälärğä bik ışanıp betmäwen belderde.
Säyäsi firqä citäkçeläre häm respublikanıñ iñ yuğarı citäkçelege, Vladimir Putinnıñ yullamasında äytelgän qaraşlarğa, Rusiäneñ töp üseş yünäleşläre turında fikerlären älegä qädär beldermäde.
Bikä Timerova.
