Accessibility links

якшәмбе, 4 декабрь 2016, Казан вакыты 02:55

Talabani: Ğiraqta İslam rejimı bulmayaçaq


Törkiäneñ "Sabah" gazetına birgän äñgämäsendä Ğiraq prezidentı Cäläl Talabani, Ğiraqta ber qayçan da İslam rejimı bulmayaçaq, ämma küpçelekneñ möselman buluı härçaq xörmät iteläçäk, dip belderde. Talabani, Ğiraqnı demokratik, federal häm parlament sistemasına taba üsterüne teläwen belderde, ämma Ğiraq deputatlarınıñ İslam nigezlärenä qarşı qanunnar qabul itmiäçägenä dä üz farazların äytte. "New York Times" gazetı yazuınça, Waşington Körd häm Şiği säyäsätçelärgä qarşılıqlarnı beterep berläşergä häm xökümät tözergä çaqırğan. Ğiraq premyer-ministrı İbrahim al-Cağfari'nıñ ministrlar isemlegen iğlan itüe kötelä. Uzğan töndä tönyaqtağı Kirkuk şähärendä ğısyançılar neft qırına höcüm itkännär. Yanğın äle dä sünderelmägän, dip xäbär itelä. Yün ayında Brüsseldä Ğiraqqa bağışlanğan xalıqara konferensiä ütäçäk. Cıyınnıñ ximayäçeläre – Yevropa Berlege häm AQŞ. Konferensiä, Ğiraqnıñ yaña xökümätenä säyäsi yardäm kürsätügä bağışlanaçaq. Anda kürşe däwlätlär häm xalıqara oyışmalar wäkilläre qatnaşaçaq dip xäbär itelä.

XS
SM
MD
LG