Bügen Rusiä häm Gruziä tışqı eşlär ministrları, Sergei Lavrov häm Salome Zurabişvili oçraşuınnan soñ, Rusiäneñ Gruziädän üz xärbi bazaların bıyıl çığara başlıyaçağı bilgele buldı. Tbilisi, xärbilärneñ çığıp kitüen inde berniçä yıl taläp itä. Lavrov süzlärenä qarağanda, bu yulı söyläşülärdä alğa kiteş bar. Xärbi bazalarnı çığaru berniçä adımda ütäçäk, häm bu ğämäl bıyıl başlana ala.
1991nçe yılda Sovetlar Berlegeneñ tarqaluınnan soñ Rusiä Gruziädäge 4 xärbi bazanı üz kontrolenä alğan ide. 1999nçı yılda alarnıñ ikesennän Rusiä üz ğaskärlären çığardı.
