Törkiäneñ konstitusiä mäxkämäse başlığı Mustafa Bumin, yuğarı uqu yortları häm cämäğätçelek urınnarında yawlıq bäyläwne tıyu turındağı qanunğa üzgäreşlär kertergä tırışu – ilneñ konstitusiäsen bozu bulaçaq, dip belderde. Monı mäxkämä başlığı yuğarı räsmi wäkillär, şul sanda yawlıq bäyläwne tıyğan qanunnı üzgärtü tarafdarı premyer-ministr Recep Tayyip Erdoğan qarşında yasağan çığışında äytte.
Mustafa Bumin, xakimmiättäge partiäneñ qanunnı üzgärtü tırışlığın – keşelärneñ dini xislären qullanıp säyäsi östenlek alırğa omtılu, dip täñqitläp çıqtı.
Elek tıyılğan islamçılar xäräkäteneñ ber qanatı bulğan xäzer xakimiättä utırğan Erdoğannıñ Ğadellek häm Tärräqiät firqase, üzen xäzer konservativ demokratik partiä dip atıy. Aq partiä, möselmança yawlıq bäyläwne tıyu – dini irekleklärne bozu bulıp tora, keşe dinenä qaramyıça tigez belem alu mömkinleklärenä iä dip beldergän ide.
