Bügen Qazaxstanda saylawlar waqıtında häm tawış birüdän soñ uram cıyınnarın tıyu turındağı qanun ğamälgä kerde.
Oppozisiä, bu adım xärämläşülär belän ütkän saylawlarğa qarşı çığışlar bulmasın öçen yasaldı, dip qanunnı täñqitläp çıqtı. Bu – tawış birü waqıtında qanun bozu bulaçağına dälil, di oppozisiä.
Şimbä könne Qazaxstan üteneçe nigezendä Rusiädä, atnalıq "Respublika" gazetınıñ baş möxarrire İrina Petruşeca qulğa alınğan. Petruşeva, Qazaxstanda üzenä qurqınıç yanağaç 2002nçe yılda Rusiägä küçep kitkän ide. Qazaxstan oppozisiäse häm mäğlümat çaraları wäkilläre Petruşevanı irekkä çığarunı sorap Rusiä räsmilärenä möräcäğät itte.
