Ul kilü maqsatın soñğı çorlarda uzğan qarşılıq aqsiäläre, kierenke wäzğiät säbäpläre belän tanışu öçen dip belderde. Roğozıyn ber könlek säfärendä Başqortstan Prezidentı belän, respublik xaqimiätenä yaqın torğan milli oyışma citäkçeläre, berläşkän oppozitsiä qoordinatsiä şurası äğzaları belän oçraştı. Ufa yıparxiäse wäkillegendä buldı. Roğozıyn Başqortstanda oppozitsiä bik energiäle dip sanıy, anda milli köçlär dä buluın iskä alıp, milli qarşılıqlarnıñ bik naçar näticälärgä alıp kilü ixtimallığı bar digän uyda. Roğozıyn Başqortstan Prezidentı mäsäläsendä dä fikerlären belderep, ul Rusiä Prezidentınıñ ışanıçın alırğa tieş dip isäpli.
Dmitriy Roğozıyn Ufağa yasağan säfär näticäläre belän yaqın könnärdä Rusiä Prezidentına büleşäçägen dä ireşterde.
