Küptän tügel Sverdlov ölkäse möselmannarınıñ Qazıylat idäräse tarafınnan oyıştırılğan islam olimpiadasınıñ öçençe, soñğı turı tämamlandı. “İslamnı yäş öyränüçelär” dip atalğan bu bäyge 2005нче yılnıñ ğinwar ayında uq start alğan ide. Bu çarada un yäştän alıp unbiş yäşkä qädär bulğan 200 bala qatnaştı. Bäygeneñ berençe turı awıllarda, ikençe turı şähär häm rayon üzäklärendä, öçençe turı Qazıylat idäräseneñ üzäge bulıp sanalğan Pervoural'ski mäçetendä uzdırıldı.
Qatnaşuçılarnıñ äzerlek däräcäse bik yuğarı buluı küzgä çalındı. Äytik, ölkäneñ iñ “revolyutsion”, çi urıs şähäre bulıp sanalğan Alapaydan kilgän Qädim isemle malay üzlegennän islam qağidälären öyränep, “Fän häm qor’än” digän temağa bik yaxşı referat yazğan. Asbest şähärennän unike yäşlek malayın alıp kilgän xanım, ulı olimpiadağa äzerlängän çaqta üzeneñ dä bik küp närsälärgä öyränüen belderde.
Jyurinı da, tıñlawçılarnı da iñ ğäcäpländergäne Krasnoufim töbägennän, Ust'-Man'çaj awılınnan kilgän Aliä isemle qız buldı. Ul şulqädär mawıqtırğıç, osta itep temanı açıp birä belde. Undürt yäşlek Aliä bu belemnärne üzlegennän, kitaplardan öyrängän. Aliä biş waqıt namazın da qaldırmıy ikän.
Qazıylat idäräse räise Danis xäzrät Däwlätov olimpiadada qatnaşuçı balalar arasında çın küñeldän islam dine belän qızıqsınuçılar da barlığın iskärtep, küplärneñ äle bu çarağa bäyge bularaq qına qızığıp kilülären dä äytep ütte. Ämma islam dine belän bolay yaqınnan uq tanışa başlaw ezsez ütmäs digän ışanıç ta belderde. Härxäldä, Ural töbägendä berençe tapqır uzdırıluına qaramastan, älege çara yäşlärne din-äxlaq yulında tärbiäläw eşendä üzen bik ähämiätle, kiräkle itep tanıttı.
Sverdlov ölkäseneñ millätara kitapxanäsendä “Ber şähär tarixı” dip atalğan kürgäzmä açıldı. Başlıça Mäskäw, Ufa, Yoşqar-Ola, Sankt-Peterburg kebek başqalalarğa bağışlanğan bulsa da, kürgäzmädä iñ zur, üzäk urın Qazanğa birelgän. Bu xäl alda torğan Qazannıñ meñyıllığın bilgeläp ütü waqiğası belän genä añlatılmıy. Kitapxanä citäkçese urınbasarı Viktoriä xanım Arsent'yeva Qazannı Yevropa belän Aziä arasındağı iñ güzäl küper, könçığış belän könbatış sivilizatsiäläreneñ totaşqan üzäge dip atadı. “Rusiä tarixı belän Qazan tarixı ayırılğısız. Böten yullar da Qazanğa iltä, tarix Qazannan başlana”, - dide ul. Kürgäzmädä Rusiä tarixı, Qazan tarixına qağılışlı äsbaplar küp. Biredä borınğı Bolğar, Qazan xanlığı turında tarixi materiallar, Qazannıñ bügenge köne, mädäni tormışı, Qazannan çıqqan böyek şäxeslär turında küp äyberlär urnaştırılğan. Millätara kitapxanäneñ üzäk zalında urnaşqan bu kürgäzmäne biregä kilüçelär bik qızıqsınıp qarıylar.
Fäwiä Safiullina, Yekaterinburg
Qazıylat idäräse räise Danis xäzrät Däwlätov olimpiadada qatnaşuçı balalar arasında çın küñeldän islam dine belän qızıqsınuçılar da barlığın iskärtep, küplärneñ äle bu çarağa bäyge bularaq qına qızığıp kilülären dä äytep ütte. Ämma islam dine belän bolay yaqınnan uq tanışa başlaw ezsez ütmäs digän ışanıç ta belderde. Härxäldä, Ural töbägendä berençe tapqır uzdırıluına qaramastan, älege çara yäşlärne din-äxlaq yulında tärbiäläw eşendä üzen bik ähämiätle, kiräkle itep tanıttı.
Sverdlov ölkäseneñ millätara kitapxanäsendä “Ber şähär tarixı” dip atalğan kürgäzmä açıldı. Başlıça Mäskäw, Ufa, Yoşqar-Ola, Sankt-Peterburg kebek başqalalarğa bağışlanğan bulsa da, kürgäzmädä iñ zur, üzäk urın Qazanğa birelgän. Bu xäl alda torğan Qazannıñ meñyıllığın bilgeläp ütü waqiğası belän genä añlatılmıy. Kitapxanä citäkçese urınbasarı Viktoriä xanım Arsent'yeva Qazannı Yevropa belän Aziä arasındağı iñ güzäl küper, könçığış belän könbatış sivilizatsiäläreneñ totaşqan üzäge dip atadı. “Rusiä tarixı belän Qazan tarixı ayırılğısız. Böten yullar da Qazanğa iltä, tarix Qazannan başlana”, - dide ul. Kürgäzmädä Rusiä tarixı, Qazan tarixına qağılışlı äsbaplar küp. Biredä borınğı Bolğar, Qazan xanlığı turında tarixi materiallar, Qazannıñ bügenge köne, mädäni tormışı, Qazannan çıqqan böyek şäxeslär turında küp äyberlär urnaştırılğan. Millätara kitapxanäneñ üzäk zalında urnaşqan bu kürgäzmäne biregä kilüçelär bik qızıqsınıp qarıylar.
Fäwiä Safiullina, Yekaterinburg
