Accessibility links

сишәмбе, 6 декабрь 2016, Казан вакыты 17:11

Ğabdulla Tuqay turında interaktiv kitap çıqtı


"Ğabdulla Tuqay. Tormış yulı häm icatı" digän interaktiv kitap belän tanışırğa Tatarstan Mäğärif ministrlığı wäkilläre, mäktäp uqıtuçıları, uquçılar kilgän ide. Kitap belän anıñ avtorı Qazan däwlät universitetınıñ tatar tele häm ädäbiäten uqıtu metodikası kafedrası dotsentı Fänzilä Cäwhärova tanıştırdı. Älege kitapnı ul häm universitet aspirantı Röstäm Biktaşev tözegän. Mul'timediäle basma berniçä bülektän tora. Anda şağirneñ tormış häm icatı turında taswirlama, fotokürgäzmä, Tuqay icatı belän bäyle muzıykal' äsärlär, Färit Yärulinnıñ “Şüräle” baletı, şağir äsärlärenä analiz, Tuqay zamandaşları xatirälärennän torğan audiomateriallar bar. Şulay uq Tuqaynıñ Qazandağı muzeena video-säyäxät birelä. Utırışta Fänzilä Cäwhärova monı Qazanğa kilä almawçılar häm çittäge tatarlar öçen bik otışlı buluın bilgeläp uzdı. Ğomumän älege kitap Ğabdulla Tuqay turında barlıq mäğlümatnı birä. Häm anı çit illärdä dä, törle töbäklärdä dä qullana alalar. Xäzer bu disk 1000 danä belän Tatarstan mäktäplärenä taratılaçaq.

Utırışta tağın şul äytelde, mondıy interaktiv kitapnı şağir Musa Cälil turında da çığarırğa uylıylar. Mäktäp uquçılarnıñ kübese mäğlümatnı kompyuterlardan alu säbäple bu här yaqtan da uñışlı bulaçaq dip bilgeläp uzıldı.

Tuqay turındağı interaktiv kitapnı täqdim itüdän başlanğan festival' 28 aprel'gä qadar däwam itäçäk “Söyläşäbez törle tellärdä” dip atalğan festival'dä tatar, rus, ingliz, törek tellärendä çıqqan uqıtu programmaları belän tanışırğa mömkin bulaçaq. Ğabdulla Tuqaynıñ şiğerlären milli tellärdä söyläwçelärneñ "Tuqay söyli törle tellärdä" dip atalğan bäygesendä qatnaşaçaqlar. "Tuğan teldä şiğri tälgäşlär" digän şiğer bäyrämenä yäkşämbe mäktäplärendä belem aluçı küpmillätle balalar cıyılaçaq.

Landış Xarrasova

XS
SM
MD
LG