Accessibility links

дүшәмбе, 5 декабрь 2016, Казан вакыты 07:29

Mäskäw belän Tbilisi Rusiä xärbi bazaların yabu mäsäläsendä nigezdä kileşte


Berniçä kön elek kenä Mäskäv belän Tbilisi Görcstandağı Rusisä xärbi bazaların yabu mäsäläsenä bağışlanğan söyläşülärgä ayaq çaluda berberlären ğäyeplägännär ide. Xäzer isä, ike yaq ta bu mäsälädä alğa kiteş bar dip belderälär. Görcstannıñ tışqı eşlär ministere Salome Zurabişvili xanım Mäsävdä vizit yasadı häm Aprilneñ 25-ndä Russiä 2008-nçe yılğaça bazaların buşatırğa riza dip belderde. Russiä tışqı eşlär ministere Lavrov ta kompromssqa ireğü mömkinlege bar dip belderde.

Zurabişvili Russiäneñ xärbi bazalarınıñ yazmışı xäl itelde dip belderde. Görcstannıñ Mäskävdäge ilçese isä Görcstannıñ Rustavi-2 isemle xosusi televideniägä birgän ängämäsendä Zurabişvili belän Lavrov rus xärbilären bazadan çığaru eşen 2008-nçe yılnıñ berençe ğinvarına qädäre tämamlau mäsäläsendä prinsipta kileştelär dip belderde. Görcstan prezidentı Saakaşvili bu xaqta räsmi kileşügä ireşelmiçä torıp, İkençe Dönya Suğışınıñ tämamlanuına 60 yıl tulu uñayı belän Mäskävdä ütkäreläçäk tantanalarda qatnaşmayaçağın da işarä itkän ide. Ul 22-nçe Aprildä Moldova başqalası Çişinauda GUUAM summitına qatnaşqanda bazalar mäsäläsenä qağılıp bolay digän ide.

Audio

"Görcstandağı Russiä xärbi bazaları Görçe xalqınıñ telägenä qarşı anda tora. Alar Rusisäneñ dä , Görcstannıñ da, ikeyaqlı mönäsäbätlärneñ dä yäisä regional iminlekneñ dä mänfäğätlärenä xezmät itmilär. Bez Russiä xärbilären çığaru mäsäläsendä Mäskäv summitınnan elek üzara qabul itelerlek sivilatsiäle xäl çarası tabarbız dip ömetlänäbez."

Russiä xärbi bazaları Acariä başqalası Batumidä häm nigezdä ärmännär yäşägän Samtsxe-Yavaxetidä urnaşqan. Tbilisi soñğı biş yılda şuşı bazalarnıñ yabıluın taläp itep kilde. Görcstan parlamentı Martnıñ 10-nda taraflar 15-nçe Mayğaça kileşügä ireşä almağan xäldä, xökümät Russiä xärbilären kitärgä mäcbüt itärgä tieş digän ütälüe mäcbür bulmağan rezolutisä qabul itkän ide. Lavrov kiçä yasağan çığışında, Mäskävneñ kiläse aylarda xärbi texnikanı çığara başlarğa riza birüe ixtimal häm bazalarğa kermägän sovet çorınnan qalğan qorılmalarnı tapşıru eşen dävam itäçäk dip belderde.

Audio

"Bez kileşügä ireşelgän xäldä, çığaru eşeneñ progressiv buluı häm bu yılda uq başlanuı mäsäläsendä kileştek. Bu auır xärbi texnikağa, xärbi bazalarğa kermägän xärbi qorılmalarğa häm Russiä xärbi bazalarındağı qayber qorılmalardan bergäläp faydalanuğa qarıy."

Mäskävne NATOğa kerergä telägän Görcstan bu bazalarnı soñğaraq AQŞ yäisä berektäşlärgä birmägäye digän mäsälä borçıy. Tbilisi Ruslar çığıp kitkännän soñ, bazalarnı kemgä dä bulsa birü küz aldında totılmıy dip belderä. Läkin, ul bu mäsäläne kieşügä kertügä qarşı çıqtı. Bu Russiäneñ eşe tügel dip belderde. Läkin, ike yaq ta başqa mäsälälärdä xezmättäşlekkä äzer toruların kürsättelär. Mäsälän Göcstanda anti-terror üzägen buldıru. Russiäneñ saqlanu ministere Sergey İvanov bu üzäkne xäzerge rus bazalarında tözüne häm anda urtaq xärbi häm çik saqçıları köçlären künegülärdän ütkärüne taläp itkän ide. Görce yaq bu Russiä xärbilären anda qaldırunı maqsät itep tota dip monı kire qaqtı. Anti-terror üzäk Tbilisidä bulırğa häm ul xärbi künegülär urnı bulmasqa tieş dip belderde. Zurabişvili prinsipta kileşügä ireşelsä dä, şaytan detallärdä dip belderep külämle ike yaqlı kileşü tözü öçen eşlise eşlärneñ äle küp buluın añlarğa birde.

Färit İdelle, Praga.
XS
SM
MD
LG