Accessibility links

пәнҗешәмбе, 8 декабрь 2016, Казан вакыты 17:13

Tatarstanda tatar telen öyränü ni däräcädä?


Bezneñ studiägä kilgän qunaqlarıbız, Näcip Şakircanov belän Äminä Knyazeva respublika häm başqalabız Qazanda tatar telen üsterügä zur köç quyğan xezmätkärlär. Bäyräm köne buluğa qaramastan alar bügen dä eştä. Berençe süzne TR Ministrlar kabinetı qarşında Tatarstan respublikası häm Qazan şähäre buyınça tatar telen öyrätü eşen alıp baruçı cawaplı xezmätkär Näcip Şakircanovqa biräbez.

2004 yılda 1000 artıq däwlät xezmätkärlären, belgeçlären tatar telenä uqıttıq. Bıyıl 9 ministrlıqta uqular alıp barabız.Härber ministrlıqta 5 törkem, ä här törkemdä 15 keşe. Söyläm telenä zur basım yasap, Flora Safiullina metodikası buyınça, dialog formasında uqularnı alıp barabız,-dide Näcip Şakircanov.

Ä xäzer bez süzne Qazan şähäre buyınça däwlät oyışmalarında eşlägän xezmätkärlär belän eş oyıştıruçı Äminä Knyazevağa biräbez.Alar eşne 123 litsey nigezendä alıp baralar.

“2002 yıldan sälämätlek saqlaw uçrejdenieläre belän eş alıp barabız. Däreslärdä qullanır öçen uquçılarğa törle tablitsalar, süzleklär taratabız. Şulay uq cırlar , şiğerlär qullanabız, magnitofon yazmaları, süzlärne xor belän qabatlaw, tatar awazların döres äytü ısulların qullanabız, ”-dide Äminä Knyazeva. Äminä Mäxmüt qızı Knyazevanıñ ätise, kürenekle yazuçı Mäxmüt Mäksüd ulı Xäsänov. Ul 1988 yılda “Yazğı acağan”romanı öçen Ğ.Tuqay isemendäge däwlät premiäsenä layıq bula. . Häm bügenge tuğan tel bäyräme könendä ul ätise Mäxmüt Xäsänov turında üzeneñ fikerlären äytä. Sez, TR Ministrlar kabinetı qarşında Tatarstan respublikası häm Qazan şähäre buyınça tatar telen öyrätü eşen alıp baruçı cawaplı xezmätkärlär Näcip Şakircanov häm Äminä Knyazeva belän äñgämä tıñladığız.

Mälikä Basıyr.

XS
SM
MD
LG