Accessibility links

Кайнар хәбәр

Elekke Taciqstan eçke eşlär ministrı 15 yıl törmä cäzasına xökem itelde


Taciqstan general prokurorı Bobojhon Boboxonov, elekke eçke eşlär ministrı Yakub Salimovqa ilgä xıyänät, fetnä oyıştıruğa qatnaşu häm wazifaların üz mänfäğätlärendä qullanuda ğayepläw belderep 15 yıl törmä cäzasın bilgeläde. Taciqstanda 1992 belän 97nçe yıllar arasında barğan watandaşlar suğışı waqıtında Salimov ğısyançılar yulbaşçısı ide, häm Emomali Raxmonovnı prezident wazifasına kiterüdä anıñ zur öleşe bar ide. Mäxkämä eşe yabıq işeklär artında 5 ay bardı, räsmilär añlatmasına qarağanda, bu – däwlät serläre belän bäyle. Şulay uq general prokuror süzlärenä qarağanda, Taciqstannıñ Demokratik Partiäse räise Maxmad-ruzi İskandarov qulğa alınğan. İskandarov comğa könne yuğalğan ide. Rusiä anı küptän tügel dällillär yuq dip irekkä çığardı. Taciqstan oppozisiä başlığın terrorda häm zur külämdä aqça üzläşterüdä ğayepli. İskandarov ğayepläwlärne kire qağa. Ul küptän tügel Azatlıq radiosına, kiläse prezident saylawlarında qatnaşaçağın beldergän ide.
XS
SM
MD
LG