Accessibility links

шимбә, 10 декабрь 2016, Казан вакыты 09:58

Ğiraqta 3 rumın jurnalistı totıq itep alındı


Rumıniäneñ 3 jurnalistın totıq itep alğan Ğiraq suğışçılarınnan, alarnıñ taläplären ütär öçen östämä waqıt soraldı. Suğışçılar, Qazan waqıtı belän kiçke 6ğa qadär Rumıniä üzeneñ 800 xärbien Ğiraqtan çığarmasa, totıqlarnı üterü belän yanağan ide. Prezident xezmäte ğısyançılarğa möräcäğät itep östämä waqıt birüne soradı. Prezidentnıñ matbuğat wäkile Adriana Saftoiu Azatlıq radiosı xäbärçeseneñ, waqıtnı kiçekterüneñ säbäbe turındağı sorawına, cawap birüdän baş tarttı. Totıqlarnıñ berse televidenie xäbärçese Marie Jeanne İon'nıñ ätise, oppozisiädäge deputat Vasile İon, parlamentqa möräcäğät itep, totıqlarnıñ yazmışına bitaraf bulmasqa çaqırdı. "Ütenep sorıym, 3 yäş keşe, 3 jurnalist, Rumıniäneñ 3 watandaşına ber ni dä bulmağan kebek utıtırmağız" dide deputat. Bügen Buxarest üzägendä jurnalistlarnı azat itüne häm Rumıniäneñ Ğiraqtan ğaskärlärne çığarunı taläp itep yözlärçä keşe cıyıldı. Şähär üzägendä xäräkät tuqtağan dip xäbär itelä.

XS
SM
MD
LG