Accessibility links

пәнҗешәмбе, 8 декабрь 2016, Казан вакыты 17:25

Ğiraq xökümätenä kergän ministrlar isemlege äzer


Ğiraq premyer-ministrı İbrahim al-Cağfari, prezident şurasına xökümätkä keräçäk ministrlar isemlegen täqdim itte. Milli Mäcleskä älege isemlek pänceşämbe könne bireläçäk. Al-Cağfari isemläp äytmäde, ämma xökümätkä Ğiraqnıñ zur törkemnärneñ wäkilläre keräçägen belderde. New Yorkta urnaşqan Human Rights Watch oyışması, amerikan xärbiläreneñ Abu Ğraib törmäsendäge totqınnarnı cäberläwe häm qıynawı – Quşma Ştatlarnıñ dönyaküläm böten möselman totqınnarına qarata möğämäläseneñ keçkenä genä ber misalı, dip belderde. AQŞnıñ Guantanamoda totılğan Äfğanstan totqınnarı häm başqa illärgä cibärelgännärgä qarata şundıy mönäsäbät belderüe – açıq, dielä belderüdä. Abu Ğraib törmäsendä totqınnarnı cäberläwne sürätlägän räsemnärneñ dönyağa çıqqanına 1 yıl tulğanda, Human Rights Watch, Quşma Ştatlarnıñ äle dä soraw alu ısulların üzgärtmägänenä borçılu belderä.

XS
SM
MD
LG