Accessibility links

якшәмбе, 4 декабрь 2016, Казан вакыты 19:21

AQŞ: İran terrornı iñ aktiv räweştä yaqlağan däwlät


AQŞ Däwlät Departamentı yaña xisabında İran ütkän yılda terrornı in aktiv räweştä yaqlağan däwlät ide dip belderä.6 ildän torğan isemlektä İran berençe urında tora . AQŞları aña çikläwlär quyğan.AQŞ xökümäte 2004nçe yılda dönyada bulıp alğan küp sanlı terror aktivlıqları turında da sannnar iğlan itte.Räsmilär ütkän yılğa qarağanda terror waqıyğälärendä kisken artu yuq dip tınıçlandıra

Däwlät Departamentnıñ çärşämbedä iğlan itelgän xisabında İran terrornı bigräk tä İzraelgä qarşı aktivlıqlarda däwlät säyäsäteneñ qoralı itep qullana dip äytelgän.Dokumentta bolay dielgän: İran Livanda urnaşqan Xızbulla häm fälästin terror törkeme Xamas, İslamcı Cihad häm Al Aqsa Brigadası şulayuq Fälästinne İreklenderü öçen Xalıq Frontınıñ – general komandası kebek törkemnärne finansiäli, sıyınu urını birä, künegülärdän ütkärä häm qoral belän tämin itä.Däwlät Departamentı kiñäşçese Philip Zelikov jurnalistlarğa İran rejimınıñ terror yaqlı aktivlıqları turında söyläde

Zelikov(audio)

İran belän Süriä Xızbulla häm Fälästin terror törkemnären açıqtan açıq yaqlağannarı öçen şulayuq İraqtağı aksiäläre İrannıñ isä 2003nçe yılda ölkän al Qaida äğzaların xökemgä tartırğa telämäwe bigräk tä borçu tudıra

İran ütkändä Xızbulla häm Xamasnı moral häm säyäsi yaqtan yaqlawın yäşermäsä dä , yardäm birüen kire qaqqan ide.Tehran,fälästinnärgä qarata İzraelneñ alıp barğan däwlät terrorın ximäyä itkän Waşiongtonnı ğäyepläp kilä. Däwlät Departamentnıñ terrornı yaqlawçı illär isemlegendä İran häm Süriädän qala,Kuba, Tönyaq Korea, Sudan häm Libya tora. Sudan belän Libya 2004nçe yılda terrorğa qarşı global suğışta xezmätäşlek mäsäläsendä möhim adımnar atlasalar da älegä isemlektä qala birälär. Ğıraq üktäber ayında isemlektän çığarıldı.AQŞ xökümäte isemlekkä kertelgän illärgä nindi sivil häm xärbi qorallar satıla ,kontrol itep barırğa tieş,şulayuq ul ilgä AQŞ birgän yardäm çiklänä, Xalıqara finans İnstitutlarında Waşington ul ilgä qarşı tawış birä,şulay itep kreditlar tuqtala. Zelikov 2004nçe yılda kontr-terrorizm çaralarında xalıqara xezmättäşlek yaxşırğan bez terrorğa qarşı suğışta ciñäbez dip äytsä dä, ul tınıçlanırğa yaramıy Beslan häm Madrid höcümnäre köräşneñ däwam itüen kürsätä dide

Zelikov(audio)

Terror global qurqınıç bulıp qala, ber genä il dä imin tügel ,AQŞ eçke iminlege yaxşıra barsa da , bezneñ ğıysyançı häm terrorçılarğa qarşı kampaniäbez şulayuq dönya illäre belän kontr-terrorizm ölkäsendäge xezmättäşlek tiränäyä barsa da 2004nçe yılda xalıqara terror AQŞ häm partnörlarına zur yanau bulıp qaldı.

Administratsiä Kontrterrorizm Üzäge yaña statistik sannarnı iğlan itsen dip qarar birde.Üzäk belderüenä kürä, ütkän yılda 651 terror höcümendä 1907 keşe ülgän. Däwlät Departamentı ütkän yıl 2003tä 208 höcümdä 625 keşe häläk buldı dip belderde .AQŞ räsmiläre artqan sannar , terror höcümnäre turında mäğlümät cıyğanda qullanılğan kamil metodlar säbäple di. Kontrterrorizm Üzägendä direktor vazıyfasın başqaruçı

John Brennan(audio)

Bu äle terror höcümnärendä kisken artış buluın kürsätmi .Xäzer bulğan insidentlarnı tikşerü bilgeläw häm xabär itü kisken arttı

Xisapta yuğarı citäkçelärdän baytağı qulğa alınsa da , çeltärneñ operatsiälär oyıştıru säläte zäğiflänsä dä al Qaida AQŞnı yañağan töp terror qurqınıçı bulıp qala dielgän färidä xämit
XS
SM
MD
LG