Vladimir Putinneñ İzrailgä kilüe Rusiä däwlät başlığınıñ yähüd däwlätenä yasağan berençe räsmi säfäre bulıp tora. Şuña kürä ike yaq ta moña zur ähämiat birergä tırıştı. Läkin Yerusalimdä barğan söyläşülärgä barıber Mäskäwneñ Süriä häm İran belän xärbi-texnik ölkädäge xezmättäşlege şäwläse töşte. Mäğlüm ki, İzrail kürşedäge ğäräp däwläte Süriä belän räsmi töstä suğış xälendä, ä inde ayatollar idarä itkän, yähüd däwläten ğomumän tanımağan İrannı İzrail atom qoralın eşlärgä tırışuda ğäyepli. Premyer-ministr Şaron belän söyläşülär aldınnan Vladimir Putin İzrailneñ şuşı borçuların kimetergä tırışıp, Rusiä İrannıñ atom programması mäs''äläsendä taläplären qırıslattı häm ul Tährannıñ üzendä atom qoralın eşläp çığarmawın isbatlaw öçen kübräk eş başqaruın teli dip belderde. Ä inde Süriägä kilgändä, Putin prezident Katsav belän söyläşülärdän soñ üzeneñ Dimäşqqä ozın-ara raketalar satunı tıyuın xäbär itte. Şunda uq Putin, Rusiäneñ Süriägä satqan qoralları İzrailgä qurqınıçnı, ul Süriägä höcüm itkän oçraqta ğına tudıra ala dip belderde, yäğni Mäskäw ike tarafnı da qorallı bäreleşlärdän totıp qalu säyäsäten alıp bara digän işarä yasadı.
Audio, Vladimir Putin
"Berkem dä bez cawapsız qılanabız dip äytä almıy. Kiresençä, bez üz partnerlarıbıznıñ qaraşların häm borçuların istä totıp eş itäbez. Häm bez töbäktäge qüwät wä mänfäğätlär bizmänen bozğan ğämällär qılmıybız" di Rusiä prezidentı Putin üz ileneñ Süriä belän xärbi xezmättäşlege turında. İzrail yağı moña, Mäskäwneñ Süriägä satqan zamança qoralları "Xizbulla" kebek terror oyışmalarına elägä ala, bu isä İzrailneñ terrorğa qarşı köräşü säläten kimetäçäk di, häm bu uñaydan İzrailneñ dä, Rusiäneñ dä terrorğa qarşı suğışnıñ aldınğı safında toruına basım yasıy. İzrail prezidentı Katsav:
Audio, Moşe Katsav
"Xalıqara terrorğa qarşı köräştä Rusiä ifrat ta ähämiatle adımnar yasadı, bu ölkädä ike il dä berdäm häm urtaq mänfäğätlärgä iä. İzrail öçen ikeyaqlı mönäsäbätlärne törle ölkälärdä kileşep alıp baru bik möhim" di İzrail prezidentı Moşe Katsav. Putin İzrail yağın tınıçlandırıp, Süriägä satılaçaq qorallar yöreşle arbalarğa quyıla, alarnı sizdermi genä terrorçılarğa birü mömkin tügel, ä inde qoral üze şul arbadan ayırılğan kileş qullanıla almıy, dip ışandıra.
Audio, Vladimir Putin
Premyer-ministr Ariel Şaron belän söyläşülärdä Putinneñ Mısır säfäre barışında, şuşı yıl azağına taba Mäskäwdä Yaqın Könçığış mäs''älälärenä bağışlanğan maxsus yuğarı däräcäle ber oçraşu ütkärü niäte dä qaraldı dip xäbär itelä. Tik İzrail dä, solıx eşendä äwzem qatnaşqan Quşma Ştatlar da monı älegä bik salqın qarşı aldı. Aq yort wäkile Scott McClennan çärşämbedä bu uñaydan bolay dide:
Audio, Scott McClennan
"Yaqın Könçığıştağı taraflar nigezlängän "solıx yulı" xaritasında bernindi dä xalıqara oçraşu ütkärü qaralmağan, andıy çaranıñ da kiläçäktä üz waqıtı citär, älbättä, läkin älegä bez ul çorda tügel" dip belderä Putinneñ Mäskäwdä Yaqın Könçığış summitın uzdıru niäte turında Aq Yort wäkile. Comğa könne Rusiä prezidentı fälästin cirlärenä barıp anda üzidarä räise Mäxmüt Abbas belän oçraşaçaq.
Kärim Kamal
Audio, Vladimir Putin
"Berkem dä bez cawapsız qılanabız dip äytä almıy. Kiresençä, bez üz partnerlarıbıznıñ qaraşların häm borçuların istä totıp eş itäbez. Häm bez töbäktäge qüwät wä mänfäğätlär bizmänen bozğan ğämällär qılmıybız" di Rusiä prezidentı Putin üz ileneñ Süriä belän xärbi xezmättäşlege turında. İzrail yağı moña, Mäskäwneñ Süriägä satqan zamança qoralları "Xizbulla" kebek terror oyışmalarına elägä ala, bu isä İzrailneñ terrorğa qarşı köräşü säläten kimetäçäk di, häm bu uñaydan İzrailneñ dä, Rusiäneñ dä terrorğa qarşı suğışnıñ aldınğı safında toruına basım yasıy. İzrail prezidentı Katsav:
Audio, Moşe Katsav
"Xalıqara terrorğa qarşı köräştä Rusiä ifrat ta ähämiatle adımnar yasadı, bu ölkädä ike il dä berdäm häm urtaq mänfäğätlärgä iä. İzrail öçen ikeyaqlı mönäsäbätlärne törle ölkälärdä kileşep alıp baru bik möhim" di İzrail prezidentı Moşe Katsav. Putin İzrail yağın tınıçlandırıp, Süriägä satılaçaq qorallar yöreşle arbalarğa quyıla, alarnı sizdermi genä terrorçılarğa birü mömkin tügel, ä inde qoral üze şul arbadan ayırılğan kileş qullanıla almıy, dip ışandıra.
Audio, Vladimir Putin
Premyer-ministr Ariel Şaron belän söyläşülärdä Putinneñ Mısır säfäre barışında, şuşı yıl azağına taba Mäskäwdä Yaqın Könçığış mäs''älälärenä bağışlanğan maxsus yuğarı däräcäle ber oçraşu ütkärü niäte dä qaraldı dip xäbär itelä. Tik İzrail dä, solıx eşendä äwzem qatnaşqan Quşma Ştatlar da monı älegä bik salqın qarşı aldı. Aq yort wäkile Scott McClennan çärşämbedä bu uñaydan bolay dide:
Audio, Scott McClennan
"Yaqın Könçığıştağı taraflar nigezlängän "solıx yulı" xaritasında bernindi dä xalıqara oçraşu ütkärü qaralmağan, andıy çaranıñ da kiläçäktä üz waqıtı citär, älbättä, läkin älegä bez ul çorda tügel" dip belderä Putinneñ Mäskäwdä Yaqın Könçığış summitın uzdıru niäte turında Aq Yort wäkile. Comğa könne Rusiä prezidentı fälästin cirlärenä barıp anda üzidarä räise Mäxmüt Abbas belän oçraşaçaq.
Kärim Kamal