Rusiä tışqı eşlär ministrı Sergei Lavrov, ikençe bötendönya suğışındağı ciñüne "stalinizm ciñüe" dip kürsätü – faşizm qorbannarın mısqıl itü bulıp tora, dip belderde. İtar-Tass mäğlümat agentlığına birgän bu añlatmalarında, Lavrov, "qayber illärdä ciñüneñ 60 yıllığı bäyrämenä külägä töşerü omtılışı bar" dip äytte. Rusiä tışqı eşlär ministrınıñ bu süzläre – 1940nçı yılda, äle suğış başlanğançı uq serle Molotov-Ribentrop kileşüe nigezendä Sovetlar Berlegenä köçläp quşılğan
Baltiq buyı däwlätlärenä qağıla, dip farazlana. Estoniä häm Litva prezidentları Arnold Ruutel häm Valdas Adamkus, 9 may köne belän 50 yılğa yaqın Sovet okkupasiäse genä iskä töşä, dip, Rusiä ilbaşı Vladimir Putinnıñ ciñü tantanalarına Mäskäwgä kilü çaqıruın kire qaqqan ide. Latviä prezidentı Vaira Vike-Freiberga ciñüneñ 60 yıllığına Mäskäwgä kilergä cıyına.
