Accessibility links

шимбә, 10 декабрь 2016, Казан вакыты 04:12

Taiwan xökümäte oppozisiäneñ Qıtay prezidentı belän oçraşuına borçılu belderä


Taiwan xökümäte bügen Pekinda utrawnıñ oppozisiä citäkçese, Millätçe Partiä räise Lien Çan häm Qıtay prezidentı Hu Jintaonıñ oçraşuına borçılıun belderde. Ämma söyläşülär Yevropa Berlege tarafınnan xuplandı, matbuğat wäkile Emma Udwin, bu adım – Taiwan belän Qıtay arasındağı kierenkelekne çişügä yardäm itäçäk, dip belderde. Pekinda uzğan oçraşudan soñ Lien häm Hu, Taiwan belän Qıtay arasındağı salqın mönäsäbätlärne tınıç yullar belän caylarğa çaqırdı, Lien, söyläşülär belän qänäğät qalğanın belderde: "Ayıruça basım yasap äytäm, bez firqalär arasında kileşügä ireştek. Şulay uq bez iqtisadi xezmättäşlek plannarın tözergä telibez," dide Lien. Lien, kommunistlar Qıtayda 1949nçı yılda xakimiätkä kilgännän birle, Pekinğa kilgän berençe Millätçe Partiä, Kuomintang firqase citäkçese buldı.

XS
SM
MD
LG