Accessibility links

җомга, 9 декабрь 2016, Казан вакыты 01:02

Londonda İrannıñ atom programması turında söyläşülär bara


Bügen biredä İran räsmiläre Britaniä, Fransiä häm Germaniä wäkilläre belän oçraşa. İran aradaşçısı Cyrus Nasseri, İrannıñ atom programmasın kimetü turında bügen kileşügä ireşü ixtimalı bar, dip belderde. Noyaber ayında, söyläşülär barışı waqıtında, İran uran bayıtu programmasın tuqtatıp torırğa riza bulğan ide. Bügen Tähranda comğa wäğäze waqıtında İrannıñ elekke prezidentı Akbar Haşemi Rafsanjani, İran barı tik atom ölkäse birgän uñaylıqlarnı üz xalqı öçen qullanırğa teli, dip belderde: "İran atom texnologiäläreneñ barlıq tarmaqlarına iä bulırğa teli, çönki uñaylıqların xalıq öçen qullanırğa teli. Häm bez moña niçek tä bulsa ireşäçäkbez," dide Rafsanjani. İran räsmiläre, Tährannıñ, atom qoralın cäyeldermäwe turındağı kileşü nigezendä, tınıç maqsatlarda qullanu öçen uran bayıtunı däwam itü xoquqı bar, dip belderä. Bayıtılğan uran atom stansiäläre öçen yağulıqqa, ämma şulay uq atom bombaları yasaw öçen qullanılırğa mömkin.

XS
SM
MD
LG