Accessibility links

AQŞnıñ Gruziägä yärdäme andağı täräqqiätkä etärgeç birä


AQŞ xökümäte tizdän Gruziägä zur yardäm paketen raslar dip kötelä.''Yaña Meñ Yıllıqnıñ Yanauları '' isemle şuşı programma namuslı häm ütä kürenmäle idarä sisteması qabul itkän yarlı illärne büläkläw mäqsatın quya. Gruziädä zur üzgäreşlär kiçergän yaña iqtisadi täräqiät yulında bara . İl külämendä yullar, energie infrastrukturası , awıl xucalığı häm turizm ölkäsen yaxşırtu öçen inisiativa alıp barıla

Distä yıldan artıq Gruziägä eleke SSSRnıñ rişwätçelekkä in küp birelgän ile dip qaraldı.Ämma 2003nçe yılda ''göl inqilabı'' belän xakimiätkä kilgän yaña citäkçelek , korrupsiägä qarşı köräşkän yarlı illärne büläklägän AQŞ yardäm agentlığı räsmilärenä nıq täsir itkän bulırğa tieş. Çönki Gruziä alternativ AQŞ yardäm programması isemlegendä in yuğarı urında torğan namzätlärdän berse. Yaña Meñ Yıllıqnıñ Yañauları Programması bu cäy 200 million dollarlıq paketkä qul quyar dip kötelä. Aqça ilneñ infrastrukturasın yaxşırtuğa qullanılaçaq. Meñ yıllıqnıñ yañauları yäki inglizçä qısqartılıp M CC dip yöretelgän şuşı agentlıqnıñ citäkçese Paul Applegarth bu atnada kongress törkeme aldındağı çığışında Gruziäneñ yaña citäkçelege bik zur üzgäreşlär kiterde dide

Applegarth(audio)

Yaxşı citäkçelär meñyıllıqnıñ yañauları quyğan prinsıplarnı nığıta – rişwätçelekkä qarşı köräşä, xökümättä tazartular ütkärä, täsirle proseduralar alıp bara.

Bush administratsiäse yarlı ämma yaxşı idarä itelgän illärgä genä aqça birä.Programma , qanun tärtib urnaşqan, iqtisadi programması bulğan häm xalıq öçen investitsiälär yasau yöklämäsen üz östenä alğan illär arasınnan namzätne saylıy . Birelgän aqçanı niçek qullanu turında cirle räsmilär qarar birsä dä aqça ekonomik üseşkä täsir itärgä tieş. Berençe kileşügä bu ay başlarında Madakaskar imza quydı.Aña 110 million dollar birelä. 16 il arasında Ärmänstan da bar , ul üz täqdimnären yasarğa çaqırıldı. Gruziä dä Madakaskar kebek üz planın kiñäşläşü protsesı aşa äzerläde. 8 regional forum oyıştırıldı , xalıq öçen internet säxifäse açıldı häm cirle sivil cämğiätlär qatnaştı bu protsessqa. İqtisadi üseşne arttıru öçen xökümätkä 600 täqdim yasalğan. AQŞ belän kontraktqa ireşü öçen tırışqan oyışmanıñ citäkçese Lasha Shanidze küptän tügel genä Waşingtonğa yasağan vizitı waqıtında bezneñ xabärçegä ber yıl däwam itkän kampaniä Gruziä xökümätendä täräqiät turında yaña tör idea, uylar barlıqqa kiterde, Protsess şulayuq xosusi bank häm xalıqara finans çığanaqların da cälep itte dip söyläde.

Shanidze(audio)

MCC ildä bilgele proyektlarğa ğına iqtibarnı cälep itmäde ämma ilgä kübräk investitsiälär dä cälep itte. Bu äle kileşügä qul quyğançı kürende Xalıq proyektlarnı finansiäläw öçen çiratta tora,çönki alar aña ışana.

MCC belän Gruziä räsmiläre bu cäy kileşügä qul quyarlar dip kötelä. Shanidze 200million dollarlıq paket 5 yıl öçen raslanır dip ömedlänä. Ul Gruziä yasağan täqdimnär arasında könyaqta izolatsiädä torğan Axalkalaki täbägen ilneñ başqa ölkälärenä totaştıru tora di. Bu proyekt Törkiä häm Ärmänstan belän säwdä yulların yaxşırtır ide. MCC birgän aqça belän Rusiädän kilgän gaz ütkärgeçen yaxşırtu küzdä totıla . Bu gaz ütkärgeçe Ärmänstan öçen dä möhim. Gruziäneñ elektr citeştergän şirkätläre dä gazdan bağlı. Gruziägä çit il investorların cälep itü öçen kapital saldırtu öçen ışanıçlı gaz täminatı şart.Şunlıqtan Gruziä gaz ütkärgeçlären tözätü yaxşırtu mäqsatın quya. MCC fondlarınıñ ber öleşe awıl xucalığı häm turizm ölkäsen täräqi itterü öçen qullanılaçaq.Waşington Universitetında Millätara Cinayät häm Rişwätçelek Üzäge direktorı Loise Shelley Gruziädäge rişwätçelek turında xisap äzerlägän ide. Ul yaña xökümätneñ AQŞ fondına täqdim itkän inisiativalar isemlegendä bik kiräkle proyektlar bar häm alar ilne yarlılıqtan çığaru öçen şart dip söyli.Shelly häm Gruziädäge xällärne qarap baruçılar xökümät aqça yuı häm politsiäne reformalaw eşenä bik ciddi qarıy dip belderälär. Dönya Bankında Gruziä eşlären qarap baruçı Roy Soutworth ta Gruziä ber yıl eçendä rişwtçelekne töbe tamırınnan beterde dip äytü bik naiv bulır ide. Çönki eleke xökümät zamanında ul här däräcädä bik kiñ cäyelgän ide .Yaña xökümät korrupsiägä qarşı köräşü öçen xalıqtan mandat aldı. Alar ber yıl eçendä bik zur progress yasadı dip äytte Soutworth. färidä xämit
XS
SM
MD
LG