Accessibility links

Кайнар хәбәр

Tuqay bäyrämnäre Başqortstanda da kiñ qolaçlı ütte


Başqortstan däwlät pedağoğiä uniwersitetınıñ tatar tele häm ädäbiätı bülegendä atnaqiç könne böyek şağir Ğabdulla Tuqaynıñ tuğan könenä bağışlap ädäbi-muzıykäl kiçä bulıp ütte. Anda şuşı bülekneñ törle qurslarında belem aluçı yegetlär häm qızlar qatnaştı. Kiçädä taliplar Tuqaynıñ şiğerlären söyläde, anıñ xaqında baytaq qızıqlı mäğlümatlar birde häm cırlar başqardı. Soñınnan bu bäyräm «Tuğan tel» cırın bergäläp cırlaw belän tämamlandı.

Ğomumän, bu atnanı Başqortstanda Ğabdulla Tuqay atnası buldı disäñ dä yarıy. Barlıq tatar rayonnarı mäktäplärendä Tuqayğa bağışlanğan kiçälär, törle wiktorinalar oyıştırıldı. Ä tantanalarnıñ iñ zurları, älbättä inde, Ufada ütte. Ufa «Nur» tatar däwlät teatrında häm Aqterlar yortında yazuçılar, jurnalistlar, sänğät ostaları qatnaşlığında oyıştırılğan şiğriät kiçälären qarawçılar «Ufada Tuqaynı moñarçı bolay zurlağannarı yuq ide äle» dip taralıştı.

Fänis Fätxi, Ufa.
XS
SM
MD
LG