Sişämbedä Minskida röxsät itelmägän mitingta qatnaşqan öçen totqarlanğan 14 Rusiä watandaşı, irekkä çığarılıp Mäskäwgä cibärelde. Minskinıñ şähär mäxkämäse alarnı totqarlaw waqıtın qısqartırğa qarar itkän. Comğa könne Rusiäneñ Belarustağı wäkile Aleksandr Bloxin, Belarus xakimiätlärenä möräcäğät itep, yäşlär xäräkäte wäkilläre häm jurnalistlarnı irekkä çığarırğa sorağan. Alar belän bergä totqarlanğan 5 Ukrainalı häm 13 Belaruslı älegä saq astında qala. Bügen Msäkäwdä, Belarus ilçelege qarşında alarğa teläktäşlek beldergän miting ütte.
