Accessibility links

сишәмбе, 6 декабрь 2016, Казан вакыты 03:52

Ğiraqta yaña xökümät bilgelängännän soñ höcümnär köçäyep kitte


Ğiraqnıñ yaña xökümäte bilgelängännän soñ ğisyançılar menä inde 3 kön rättän ilneñ törle urınnarında höcümnär oyıştıra. Bağdadnıñ üzendä genä bu könnärdä şartlatqıç tutırılğan 15 maşina şartlatıldı, distälägän keşe häläk buldı.

Ğiraq räsmiläre äytüençä, 3 ay buyına xökümät tiräsendä bäxäslär barğan mäldä, ğisyançılar höcümär äzerläp yatqan. Säyäsi bäxäslär häm yaña köç qullanular, törle milli törkemnär arasındağı kierenkelekne köçäytep cibärer digän borçular bar.

Yäkşämbedä Bağdadta politsiä bülegenä bulğan höcümdä 5 politsiä xezmätkäre häläq buldı. Bu höcümdä isän qalğan Tamir Äbit bolarnı söyläde:

Audio (Tamir Äbit) "Bez kizüdä tora idek, bitlek kigän keşelär höcüm itte. Alar bezgä ut açtı, bez cawap qaytardıq. Soñnan bezne qamawğa alıp törle yaqtan ata başladılar. Uramdağı ike politsiä xezmätkäre şunduq häläk buldı, alarnıñ başına attılar. Annarı tağın ikese ülde. Bez tübädä idek, min ayaqqa yaralandım, iptäşemä attılar, ul tübädän yığılıp töşte."

Atışular Bağdadnıñ xärbi mäktäbe yanında da bulğan. Bu binada xäzer amerikan xärbiläre urnaşqan. Şartlatqıç tutırılğan maşina da Amerikan qärwanına töbäp şartlatılğan. Kimendä 4 munisipal xezmätkär häläq bulğan. Amerikan räsmiläre älegä ber belderü dä yasamadı. Höcümgä şahit bulğan politsiä xezmätkäre Sarmad İbrahim söyli:

Audio (Sarmad İbrahim) "Amerikan xärbiläre bu maşinanı şikle dip kürde häm quıp kitte. Ul mäktäp yanına barıp şartladı. Berniçä mesken xezmätkär häläk buldı, 7-8e yaralandı. Amerikan xärbiläre şartlawdan soñ 5 minut ütügä kitep bardılar."

Soñğı 3 köndä häcümnär nigezdä Bağdad tiräsendä başqarıla. Läkin, başqa urınnarda da tınlıq digän süz tügel. Amerikan xärbiläre äytüençä, şimbä könne ğisyançılar Falluca qalasına kimendä 7 raketa cibärgän. Näticädä 3 Ğiraqlı häläk bulğan, berniçäse yaralanğan.

-Ali Gilmi
XS
SM
MD
LG